Solenn Heussaff to DOH: 'Help us out here!'

Hindi na napigilan ni Solenn Heussaff ang kanyang sarili sa pagpapahayag ng kanyang saloobin tungkol sa estado ng health workers ng ating bansa.

Sa ngayon marami pa ring health workers na lumalaban sa COVID-19 pandemic ang humihingi ng tulong na mabigyan sila ng tamang personal protective equipment o PPE.

Sa kanyang Instagram stories, ipinakita ni Solenn ang mga balita tungkol sa healthcare workers.

Ayon sa kanyang post, "This needs to be addressed RIGHT NOW."

"Everyone is working hard to getting/making supplies for our heroes. Can't our leaders do the same and get what they need?"

Nakatanggap rin ng mensahe si Solenn mula sa isang netizen na humihingi ng tulong.

Saad ng aktres araw-araw siyang nakatatanggap ng mensahe na paghingi ng tulong mula sa mga health workers.

Ani ni Solenn, "You guys need to step up. Messages like this EVERY DAY."

Hindi na rin niya napigilang mag-tweet diretso sa Department of Health (DOH) para tanungin ang estado ng mga PPE na dapat ay ipinadadala sa health workers.

Tinanong rin ni Solenn kung bakit civilians ang gumagawa ng paraan para makatulong sa frontliners.

Ani ng aktres, "@DOHgovph why arent containers of PPE suits being ordered?? Why are civilians the ones finding ways to make some or aquire of some for our frontliners. Help us out here!"

Sa ngayon, nakikipagtulungan si Solenn at ang kanyang asawa na si Nico Bolzico kay Angel Locsin para sa tents ng frontliners.