Bae-by Baste, negatibo sa COVID-19
Masayang ibinalita ni Bae-by Baste na negatibo siya sa COVID-19 nang sumailim ang batang Eat Bulaga dabarkad sa isang rapid test.
Ibinahagi ni Bae-by Baste sa kanyang Instagram account kahapon, June 17, na umuwi siya at ang kanyang pamilya sa General Santos City sa Southern Mindanao.
Upang makabalik sa kanilang probinsya, mahigpit nilang sinunod ang safety guidelines para sa mga tinuturing na LSI or locally stranded individuals.
Kaya naman nitong umaga, sumailalim sila sa isang COVID-19 test at pinagpapapatuloy ang kanilang home quarantine sa loob ng 14 na araw
Matatandaang muling napanood sa telebisyon si Bae-by Baste sa pagbabalik ng live episodes ng Eat Bulaga noong nakaraang linggo.
Ang batang dabarkad ay nabalitang kabilang din sa upcoming Kapuso series na First Yaya na pagbibidahan ni Marian Rivera.