Around GMA

Article Inside Page

Dumalo kamakailan sa 20th anniversary ng Genson Distribution Inc. ang dalawa sa mga endorser nito na sina Kapuso stars Global Fashion Icon Heart Evangelista, at “First Lady” of Primetime na si Sanya Lopez.

Sa nasabing event, tinanong ng GMANetwork.com ang dalawang aktres kung paano nila nagagawang maging isang effective brand endorser o ambassador.

Sagot dito ni Heart, “You really have to be painfully authentic, the good and the bad.”

Paliwanag niya, “Because nobody is perfect so I guess may reward din siya kapag hinayaan mo 'yung sarili mo na hindi ka perpekto, and you put yourself out there, then anything else that you do is real.

“So I try to keep it as real as possible and then I guess you'll be more effective. Because you can't fake an image, you can't fake a personality…for me 'yun siguro.”

Hindi naman nalalayo rito ang naging tugon ni Sanya. Aniya, “For me kasi para maging effective ka na endorser is to use their product or 'yung mga bagay na ine-endorse mo. Importante kasi na makita ng mga taong sumusuporta rin sa'yo na talagang ginagamit mo 'yung produkto nila.”

Dagdag pa ni Sanya, “I always wanted kasi na gamitin talaga 'yung mga product na binibigay sa akin or ine-endorse ko para masubukan ko mismo at ako mismo ang magsasabi. Importante kasi na nagsasabi ka ng totoo about doon sa product na ine-endorse mo.”

Samantala, bukod sa kaniyang pagiging isang aktres at brand ambassador, may bagong role naman na pagkakaabalahan ngayon si Heart matapos siyang manumpa bilang bagong Presidente ng Senate Spouses Foundation Inc.

Nang tanungin siya tungkol sa kaniyang mga paghahanda tungkol dito, ito ang kaniyang naging sagot, “Well I really have to study the Senate Spouses Foundation Inc., I needed to study thoroughly kung anong mga naging project nila and basically it's us continuing what they have done, updating what they have done like infrastructures, facilities, so babalikan namin lahat yun.

“But at the same time we wanted new things again. I'm kinda OC (over-conscious) when it comes to my work. Although this is not really work because it's a foundation, it's from the heart. Binigay naman din siya so siguro sabi ni Lord, it's time to work and give back.”

Maliban naman sa kaniyang exciting role sa Pulang Araw, bida rin ngayon si Sanya sa pelikulang Playtime kasama sina Xian Lim, Coleen Garcia, at Faye Lorenzo.

Ayon sa aktres, kakaibang Sanya ang mapapanood ng mga tao sa nasabing pelikula.

Aniya, “Marami kasi marami akong mga first time lang na ginawa rito. Sabi nga ni Direk Mark as baby niya, nakita niya ako kung paano ako lumaki at sa kaniya talaga ako nanggaling before kung baga nakita niya rin ako kung pa'no ako nag-mature sa bawat role na ginagampanan ko and this one is very different from my other projects din.”