Myrtle Sarrosa, nag-iisang Pinay na pasok sa Top 100 Ragnarok Gamers sa Southeast Asia

Ang Kapuso actress na si Myrtle Sarrosa ang natatanging Pinay sa Top 100 Ragnarok Gamers sa Southeast Asia.

Sa interview ni Lhar Santiago sa 24 Oras, inamin ni Myrtle na hindi niya inaasahang mapabilang siya sa Top 100 dahil ang goal niya lang ay masali sa Top 600.

“Sobrang honor siya kasi last previous seasons, walang Filipino na nakapasok sa Top 100,” pag-amin ni Myrtle.

“Tapos 'yung goal ko talaga for this season, kahit makapasok lang sa Top 600.

“Pero together with my teammates and other fellow Filipinos who played together with me, nakapasok kami sa Top 100.”

Kinuwento rin ni Myrtle na minsan ay nakalaban niya sa Ragnarok si Asia's Multimedia Star Alden Richards, na nag-i-stream din ng kanyang laro online.

Kuwento ni Myrtle, “Sana maimbita ko siya to play with me.”

“I actually played against him, sayang. I hope next time, we can play together naman.

“Nakakatuwa 'yon, I mean he's very good rin sa video games 'tsaka nakakatuwa rin 'yung mga live stream niya, I hope we can collaborate.”

Kahit na busy bilang gamer si Myrtle, hindi pa rin mawawala sa puso niya ang pagko-cosplay kung saan siya unang nakilala.

Sa katunayan, guest ni Myrtle sa online show ng GMA Artist Center na Cool Hub ang mga cosplayer na nanalo noon sa Gyeonggi International Cosplay Festival sa Bucheon, South Korea.

Panoorin ang guesting ng mga cosplayers na nag-uwi ng parangal sa Cool Hub: