Hidilyn Diaz, ginunita ang inspirasyon sa pagpapatayo ng kanyang weightlifting center

Apat na taon na ang nakalilipas nang ipatayo ni Pinoy Olympian Hidilyn Diaz ang Hidilyn Diaz Weightlifting Gym sa Mapang, Zamboanga City.

Sa isang Instagram post, ibinahagi ni Hidilyn ang isang litrato ng facade ng kanyang gym.

Ginunita din niya ang naging inspirasyon niya sa pagpapatuloy ng sport na weightlifting, pati na ang pagpapatayo ng isang gym na dedicated para dito.

"The young athletes in Mampang was my motivation to continue with my sports even though I had a lot of injuries before Rio 2016, I want them to see the opportunity of Weightlifting that will offer to their life, I want them to see the big things in life thru my sport, I want them to love the sports like I do," sulat ni Hidilyn sa caption ng kanyang post.

Bittersweet din daw para kay Hidilyn ang pagpapatayo ng gym na ito.

"Admittedly, I have some regret when I build this gym after I won in Rio because most of my winnings went to this gym. But when I saw how the Mampang lifters performed in @iwfnet World Youth Championships 2021, I get inspired to do more for my Weightlifting Community," pagpapatuloy niya.

Sa huli, pinasalamatan ni Hidilyn ang lahat ng tumulong para mabuo ang gym at patuloy na makapagbigay ng oportunidad at inspirasyon.

"I just want to thank everyone for believing and sponsoring the building and buying the equipment for the Mampang Weightlifters. Thank you ❤️," aniya.

Si Hidilyn ang unang Pilipinong nagkamit ng Olympic Gold Medal para sa bansa matapos niyang mapanalunan ang women's 55 kg category for weightlifting sa 2020 Summer Olympics.

Bukod dito, naiuwi rin niya ang isang silver medal as women's 53-kg weight division noong 2016 Summer Olympics.