Around GMA

Article Inside Page

Bilang Sentimental Songstress, hindi maipagkakaila ang galing at ganda ng boses ni Imelda Papin. Kaya naman hindi na nakakapagtaka na metikoloso siya sa pagpili ng hahangaan na singer.

Nugnit sino nga ba sa young singers ang hinahangaan ni Imelda?

Sa Fast Talk with Boy Abunda noong Biyernes, August 16, sinabi niyang pinapakinggan niya ngayon sina Regine Velasquez at Sarah Geronimo.

Aniya, “To be honest, one is Regine (Velasquez). Alam mo ba si Regine, tagahanga ko pala. During her first year anniversary, ako ang sinurprise sa kaniya.”

Kinuwento rin ng singer at public servant, “'Pag nasa Bulacan ako, si daddy niya at saka siya, takbo sila para manood sa 'kin. I love her at talagang hindi niya nakakalimutan na idol niya ako and I thank her so much.”

Bukod kay Regine, sinabi rin ni Imelda na isa si Sarah Geronimo sa mga young singers na hinahangaan niya ngayon.

“Of course, Sarah (Geronimo) is doing very well,” sabi ni Imelda.

“Maraming magagaling, actually lahat sila magagaling. They're all good, talagang fantastic singers. Kaniya-kaniya tayong mga style and congratulations to all of you, all of us,” pagpapatuloy ng singer.

SAMANTALA, BALIKAN ANG KAPUSO SINGERS NA DUMALO NOON SA GMA GALA 2022 SA GALLERY NA ITO:

Bukod sa pagiging Sentimental Songstress, binansagan din si Imelda bilang Juke Box Queen ngunit bukod sa kaniya, tinagurian din silang tatlo nina Eva Eugenio at Claire Dela Fuente bilang “Juke Box Queens” noon.

Ngunit sino nga ba talaga ang tunay na Juke Box Queen? Sagot ni Imelda, “Ako!”

“Sorry, mareng Claire, sorry, Eva, mahal ko kayong lahat. It was given to me, actually, 'yung juke box queen, for five consecutive years, and then I was elevated to the hall of fame,” kuwento ni Imelda nang tanungin siya ng host na si Boy Abunda tungkol dito.