Around GMA

Article Inside Page

Isang hindi inasahang pangyayari ang naka-interrupt sa interview ni Kara David kay Buboy Villar para sa kanyang podcast ng i-Listen.

Sa gitna kasi ng panayam, tumunog ang alarm para sa earthquake drill ng office building kung saan sila nagre-record.

"Nag-i-interview-han kami ni Buboy, patulo na 'yung luha nito--sorry 'Boy--'tapos biglang may earthquake drill daw," lahad ni Kara sa isang video.

"'Yung uhog ko, andiyan na oh. Okay lang po. It's for the essence," pabirong sagot ni Buboy.

Nakiisa naman sa earthquake drill ang dalawa at nagtago sa ilalim ng isang office desk.

Image Source: gmapublicaffairs (IG)

"Lulusot kami sa ilalim? Diyos ko, Lord. 'Boy dito ka na lang. 'Boy halika dito. Dito na lang tayo mag-interview-han, 'Boy," pag-aya ni Kara habang pumupunta sa ilalim ng mesa.

"Totoo po ba? Parang ang awkward. Dito tayo mag-iiyakan, Ma'am Kara," ani Buboy na pumailalim din sa mesa.

Ayon sa aktor, ito ang unang pagkakataon niyang lumahok sa isang earthquake drill.

"Ganito po pala talaga. Alam n'yo, first time ko lang maranasan 'to. 'Yung una ko, 'yung first kong earthquke drill, bumaba naman. Ano pong tawag dito?" tanong ni Buboy.

"Duck, cover, and hold. Okay na daw, tapos na. Okay, tapos na. Balik na po kami sa trabaho, sa interview," paliwanag ni Kara matapos silang bigyan ng clearance para bumalik sa trabaho.

View this post on Instagram

A post shared by GMA Public Affairs (@gmapublicaffairs)

Mapapakinggan ang buong panayam ni Kara David kay Buboy Villar sa i-Listen with Kara David na available sa Spotify, Apple Podcast, at GMA Public Affairs YouTube channel.

Samantala, bahagi din si Buboy ng upcoming action series na may working title na Firewall.

Makakasama naman niya dito sina Kylie Padilla, Kyline Alcantara, Miguel Tanfelix, at Jak Roberto.