Around GMA

Article Inside Page

Sa pagbisita ni Jasmine Curtis-Smith sa Fast Talk with Boy Abunda nitong Lunes, April 13, pinag-usapan nila ni King of Talk Boy Abunda ang tungkol sa relationship at kasal. Isa sa mga pinag-usapan nila, kung tingin ba ng aktres ay may endo o end of contract ang kasal.

Tanong ni Boy, “In the context of marriage, to your mind, may endo ba ang marriage, or is that a safety net for couples?”

Sagot ni Jasmine, “In the general scope of things, may endo siya kapag hindi n'yo parehong dinesisyunan na mag-renew ng kontrata sa isa't isa kasi nasa inyong dalawa na 'yun, e.”

Sa katunayan, ayon sa aktres, nitong nakaraang 10-20 taong ay nangyayari na ang endo sa mga kinasal o nagsasama, at sinabing ito na ang realidad ng relasyon sa panahon ngayon.

“It's a choice, it's a choice to stay, to be with that person, keeping it alive and fruitful para sa lahat. Kung may anak, kung kayong dalawa lang,” sabi ni Jasmine.

ALAMIN ANG HIWALAYAN NG CELEBRITY COUPLES NA IKINAGULAT NG MARAMI SA GALLERY NA ITO:

Sa Instagram post ni Jasmine noong March 2024, binati niya ang long-time boyfriend na si Jeff Ortega ng Happy Birthday, at tinawag itong “my anchor to the storm.”

“My love @jeffortega, riding the waves of life with you makes every tide feel calm and every moment more beautiful. Happy birthday to my anchor in the storm, my #pottertjeff,” caption ni Jasmine sa kaniyang post.

Sa panayam naman kay Jasmine sa parehong GMA Afternoon Prime talk show noong January 2024, sinabi ng aktres na ang end-goal naman ng kanilang halos isang dekadang relationship ay kasal.

"Ayaw namin na parang hindi kami aware sa timeline namin, and kung ano 'yung ini-invest namin sa isa't isa. Kasi, sayang din 'yun eight years na 'yung investment, not just sa relationship, but eight years of my life, of my growth, and likewise na rin kay Jeff,” sabi noon ni Jasmine.

Panooring ang panayam kay Jasmine dito:

>