Around GMA

Article Inside Page

Patuloy na pinupusuan ang tambalan nina Jillian Ward at Jeff Moses sa GMA inspirational-medical drama series na Abot Kamay Na Pangarap.

Sa exclusive interview ng GMANetwork.com sa Sparkle artist na si Jeff, masaya niyang ikinuwento ang ilang katangian na napansin niya sa kaniyang co-star na si Jillian habang nasa set ng serye.

Ayon sa kaniya, “Sobrang gaan po katrabaho ni Ms. Jillian Ward and sobrang generous niya po pagdating sa set. Kahit wala sa kaniya 'yung camera tinutulungan niya ako on set, magto-throw lines pa rin siya and maggi-give ng reaction whenever sa akin nakatutok ang cam. Sobrang laki po ng respeto ko kay Ms. Jillian Ward.”

Kasunod nito, ibinahagi rin ni Jeff ang mga dapat pang abangan sa kaniyang karakter bilang si Reagan Tibayan.

“Abangan ninyo kung ano 'yung mangyayari sa hospital at kung ano 'yung magiging development ng character ni Reagan and about between Reagan and Doc Analyn,” sabi niya.

Nakikipagsabayan ang mga karakter nina Jillian at Jeff sa tambalang Lyneth at Doc RJ (Carmina Villarroel at Richard Yap).

Dahil patuloy na kinikikiligan ang kanilang mga eksena, abot langit ang pasasalamat ni Jeff sa TV at online viewers ng Abot Kamay Na Pangarap.

Pahayag ng aktor, “Maraming salamat po sa suporta at maraming salamat po na na-recognize n'yo po ako and siyempre 'yung tambalan namin ni Jillian Ward. Gusto ko lang magpasalamat kasi araw-araw may nababasa akong comments…”

Patuloy na suportahan si Jeff Moses sa on-air at online hit inspirational-medical drama na Abot Kamay Na Pangarap, mapapanood tuwing Lunes hanggang Sabado, 2:30 p.m., sa GMA Afternoon Prime.

Mapapanood din ang programa online via Kapuso livestream.

Maaaring balikan ang iba pang episodes ng Abot Kamay Na Pangarap dito.

SAMANTALA, SILIPIN ANG EXCEPTIONAL BEAUTY NI JILLIAN WARD SA GALLERY SA IBABA: