Joey Marquez, gaganap bilang clingy daddy ni Rere Madrid sa 'Regal Studio Presents: Don't Leave Me Bebe'
Around GMA
Around GMA
Magna Carta of Filipino Seafarers: What It Means for Those Who Live Life at Sea D4vd arrested on suspicion of killing 14-year-old girl found decaying in Tesla GMA Kapuso Foundation, namahagi ng tulong sa mga apektado ng mahal na langis sa Mt. Province sa ilalim ng Operation Bayanihan Project | 24 OrasArticle Inside Page
Showbiz News
Gaganap bilang mag-ama sina Rere Madrid at Joey Marquez sa 'Regal Studio Presents: Don't Leave Me Bebe.'
Siguradong makaka-relate ang mga single parents at empty nesters sa "Don't Leave Me Bebe," ang bagong episode ng weekend anthology series na Regal Studio Presents.
Tampok dito ang beteranong actor-comedian na si Joey Marquez bilang Henry, isang biyudo.
Bilang pangako sa kanyang yumaong asawa, sinikap niyang mapalaki nang masaya at kuntento ang nag-iisang anak na si Milana, role naman ni Rere Madrid.
Nang mag-propose ang boyfriend ni Milana na si Edwin, played by Anjo Pertierra, kaba imbis na saya ang mararamdaman ni Henry.
Matatakot siyang mawala sa kanya ang anak kapag nagpakasal na ito.
Kaya naman gagawa si Henry ng iba't ibang paraan para maantala ang pagpa-plano ng kasal nina Milana at Edwin.
Abangan ang touching drama comedy na 'yan sa "Don't Leave Me Bebe," May 8, 4:35 p.m. sa Regal Studio Presents.
