Around GMA

Article Inside Page

Napansin ng Danish singer-songwriter na si Maximillian ang The Clash alumnus na si Jong Madaliday matapos haranahin ng huli ang mga babaeng nakikilala niya sa online chat website na Omegle para sa isang vlog.

Ang kantang inawit kasi ni Jong ay ang hit song ng foreign singer na "Beautiful Scars."

Nagkomento si Maximillian sa Facebook post ng Kapuso singer na naglalaman ng vlog para magpasalamat sa pagkanta nito sa kanyang single.

Sa loob lamang ng tatlong araw, nakakuha na agad ng mahigit one million views ang nasabing vlog sa Facebook page ni Jong.

Mapapanood din ito sa kanyang YouTube channel na mayroong 152,000 subscribers.

Ayon kay Jong, nag-enjoy siya sa pagharana sa random foreign girls na nakilala niya sa Omegle.

Bagamat first time niyang nakilala ang mga ito, humanga naman sila sa magandang boses ng Cotabato singer.

Natanggap ni Jong ang YouTube Silver Play button noong Hunyo matapos maabot ang 100,000 subscribers sa video-sharing site noong Mayo.

Bukod sa Omegle prank, ilan lamang ang song cover, reaction video, at iba pa sa mga tampok na content sa kanyang channel.

Nakilala si Jong nang sumali sa first season ng The Clash, kung saan itinanghal siyang runner-up.