Around GMA

Article Inside Page

“Very much aware” daw si Juan Carlos Galano na dahil sa kanyang underwear endorsement kaya marami sa fans niya ay galing sa LGBTQIA+ community.

“Right now, I just feel oblivious to the fact na I do underwear shoots,” sabi ni Juan Carlos o JC sa GMANetwork.com at iba pang entertainment media na nakausap niya kamakailan.

Dahil din daw rito, nagiging biro na rin ito sa kanya ng mga kaibigan at ilang kakilala.

“'Tapos tini-tease ako, kinakantiyawan ako pagdating sa mga ads ko, 'Uy, Bench Body, baka pwede naman pahingi ng brief.' Yun ang palaging biro sa akin, lalo na ng mga barkada ko.”

Gayunman, nilinaw ng aktor na wala itong problema sa kanya.

“Sa akin, wala namang ano… I guess, hindi ko alam kung okay nga ba yun, na anything I'm dealing with, hindi ko siya ginagawang big deal. I guess, that's what also keeps me grounded.”

Tingnan ang post na ito sa Instagram

Isang post na ibinahagi ni Juan Carlos Galano (@juancarlosgalano)

Kaugnay ng isyung ito, natanong si JC kung homophobic siya, na agad naman niyang sinagot, “No way!”

Patuloy niya, “Sobrang hindi ako homophobic. Lalo na I'll be dealing with these people. I'll be kissing my scene partner, si Phi Palmos.”

Ang tinutukoy ni JC ay ang kanyang co-actors sa stage musical na Zsazsa Zaturnnah: The Musical, na nagsimulang itanghal sa Doreen Fernandez Blackbox Theater, Arete, sa Ateneo de Manila University noong Biyernes, March 17.

Sa stage debut niyang ito, gaganap si JC bilang si Dodong, ang leading man sa proyekto.

Bilang paghahanda sa kani-kanilang roles, sumailalim sa isang workshop si JC at kanyang co-actors para mas maging pamilyar ang galaw nila sa entablado.

“Actually, yung preparation nga rito… Of course, I established my rapport with my co-actors, itong queer actors na kasama ko. Sabi ko nga kay Missy [Maramara, director], 'How would I attack this [role]?'

“Luckily, we had an intimacy workshop, where we desexualized the intimate scenes and established a different mindset. Ang goal kasi dapat ay yung objective of your character, of the story,” sabi ni JC.

Inamin din niya na, “Noong una, I have reservations na may kissing scene on stage. But hindi kasi mata-tie in ang story, mawawala, babagsak. E, that would tie in the very notion of what we're trying to fight for in the story--how would a queer person fall in love in a heteronormative society. Kung ang lead actors natin ay hindi gagawin ang moment na yun, magpa-flat ang istorya, mawawalan ng sense.”

From TV to stage

Bago ang Zsazsa Zaturnnah, gumanap na ng ilang roles si JC sa ilang TV shows gaya ng fantasy series na Raya Sirena at Regal Studio Presents: My Third Wish. Naging bahagi na rin siya ng pelikulang Nelia, na pinagbidahan ni Winwyn Marquez.

Tingnan ang post na ito sa Instagram

Isang post na ibinahagi ni Juan Carlos Galano (@juancarlosgalano)

Bagamat may karanasan na sa pag-arte, aminado si JC na kinailangan pa rin niyang mag-adjust nang sumabak siya sa entablado.

Aniya, “Challenge talaga kasi, coming from a film headspace 'tapos adjusting to the methods of stage acting. Mas nasanay ako sa acting for films, e, natural lang dapat, hindi mo masyadong inaarte. Pero sabi naman ng director namin ngayon, hindi ko naman kailangang lakihan yung pag-arte but just be truthful and urgent with the movements.”

Isang pagsubok din para sa 22-year-old actor ang tema ng Zsazsa Zaturnnah na may halong comedy.

Paglalahad niya, “This is a campy musical. Kumbaga, comedy siya. Siyempre, I also have reservations doing comedy kasi, personally, I don't consider myself as a funny pressure. Yun yung pressure din, parang living up to the expectations na this should be comedic.

“Kumbaga, sa mga nakapanood na nung play, sobrang putok na putok ang musical na ito. Nakaka-pressure 'yon. Pero as what our director said, the material is already funny and my job as an actor is to deliver and be truthful to what my character is going through.”

Dagdag pa niya, “Yung funny side, there are times na I explore. Tina-try kong mag-insert ng funny moments, which are funny to me, but it turns out, it doesn't really work. Kumbaga, kung ano yung joke ko sa utak ko, 'tapos ine-explore ko on stage, it doesn't really work.

“I was trying to be funny, but ang reminder [ng director] sa akin, 'You don't have to be funny. You don't need to be funny. You don't need to try to be funny for effect. You just have to be truthful and genuine because that's your character's truth.'

“Dodong is earnest, hindi niya alam na guwapo siya, which is also part of his charm, so yun yung parang this is something I need to work on.”

Panoorin si JC bilang Dodong sa Zsazsa Zaturnnah: The Musical sa shows nito sa March 25, April 1 at 2 (matinee show) Doreen Fernandez Blackbox Theater, Arete, sa Ateneo de Manila University.

SAMANTALA, NARITO ANG ILANG PANG MGA AKTOR NA BUMIDA RIN SA TEATRO: