Around GMA

Article Inside Page

Naghahanda na si Kapuso singer-actress Julie Anne San Jose para sa highly anticipated industry event of the year, ang GMA Gala 2023.

Sa Instagram post ng Sparkle GMA Artist Center, makikita ang mga larawan ng Asia's Limitless Star na looking fresh at glowing sa isang dermatology and wellness clinic bilang paghahanda sa much-awaited event.

View this post on Instagram

A post shared by Sparkle GMA Artist Center (@sparklegmaartistcenter)

Sa “Chika Minute” report ni Nelson Canlas para sa 24 Oras kamakailan, ibinahagi ni Julie Anne na marami pa siyang kailangang gawin para sa GMA Gala 2023.

“Sa aming mga babae kailangan talaga maraming ginagawa e, like sa hair, nails, sa make up, sa facial,” pagbabahagi niya.

Ayon sa Sparkle artist, nagkausap na rin sila ng kaniyang magiging partner sa naturang event na si Rayver Cruz tungkol sa kanilang outfits ngunit surprise na lamang daw ang kanilang magiging look.

Aniya, “Surprise na lang siguro, wala pa kasi akong sine-send sa kaniya kaya surprise na lang.”

Bukod sa pagsasama-sama ng mga maniningning na artista sa showbiz kasama ang Kapuso at Sparkle stars, at media partners, ang GMA Gala 2023 ay magsisilbing fundraising event. Ang malilikom na pondo ay ibabahagi sa GMA Kapuso Foundation at iba pang charitable institutions.

SAMANTALA, TINGNAN ANG MINIMALIST BLACK AND WHITE LOOKS NI JULIE ANNE SAN JOSE SA GALLERY NA ITO.