Around GMA

Article Inside Page

Humakot ng mga nominasyon ang ilan sa mga gawang pelikula at ilan sa mga magagaling na aktor at aktres ng GMA Network sa 41st PMPC Star Awards for Movies ngayong taon.

Nominado bilang 'Movie of the Year' ang pelikulang Green Bones na mula sa GMA pictures, GMA Public Affairs, at Brightburn Entertainment.

Source: GMA Network

Isa naman si Dennis Trillo sa mga nominado para sa 'Movie Actor of the Year' dahil sa mahusay niyang pagganap bilang si Domingo Zamora. Sa 'Movie Supporting Actor of the Year' naman nakahanay ang pangalan ni Ruru Madrid at Wendell Ramos.

Nominado rin sina Sofia Pablo para sa 'New Movie Actress of the Year' at si Sienna Stevens para sa 'Child Performer of the Year'.

Nominado naman para sa 'Movie Screenwriter of the Year' ang mga sumulat sa pelikula na sina National Artist Ricky Lee at Anj Atienza. Sa kabilang banda, nakamit ng direktor nitong si Direk Zig Dulay ang nominasyon bilang 'Movie Director of the Year'.

Source: GMA Network

Ilan pa sa mga nominasyon ng pelikulang 'Green Bones' ay ang mga sumusunod: Benjamin Tolentino para sa 'Movie Editor of the Year', Len Calvo para sa 'Movie Musical Scorer of the Year', Marxie Maolen Fadul para sa 'Movie Production Designer of the Year'.

Source: GMA Network

Bukod dito, nominado rin bilang 'Indie Movie of the Year' ang pelikulang Balota ng Cinemalaya Foundation, GMA Pictures, GMA Entertainment Group, at FDCP; kasama ang bidang aktres nitong si Marian Rivera na nominado rin bilang 'Movie Actres of the Year'.

Kasama rin sa mga nominado sina Will Ashley at Raheel Bhyria para sa ' New Movie Actor of the Year'. Nominado rin ang direktor nitong si Kip Oebanda para sa 'Indie Movie Director of the Year'.

Nominado rin si Asia's Multimedia Star Alden Richards para sa kategoryang 'Movie Actor of the Year.' Ito ay dahil sa kanyang mahusay na pagganap bilang Ethan del Rosario sa pelikulang Hello, Love, Again, na nominado rin bilang 'Movie of the Year.'

Sa pamamagitan ng Star Awards, layon ng Philippine Movie Press Club na ipagpatuloy ang pagpapahalaga sa misyon ng pagkilala sa artistry, dedication, at hard work ng mga filmmakers, actors, at industry professionals.

Sinisiguro rin ng PMPC Star Awards sa audiences na ang apat na dekadang tradisyon ng pagkilala ay puno ng mga powerful performances, touching tributes, at momentous storytelling na pupukas sa puso ng mga Filipino. Gagawaran ng pagkilala ang mga magsisipagwagi sa darating na November 30, 2025 sa Makabagong San Juan Theater, Pinaglabanan Road, San Juan City.

Related gallery: Kapuso stars, projects win at 27th Gawad PASADO Awards