Karakter ni Kim Ji Soo sa 'Black Rider,' refreshing role para sa aktor
Around GMA
Around GMA
Spain probes whether swine fever outbreak was caused by lab leak Dawn Zulueta opens up on navigating menopause with grace and confidence Torres game-winner saves Benilde, forces semis do-or-die versus SBUArticle Inside Page
Showbiz News
Inilarawan ni Kim Ji Soo bilang "refreshing role" para sa kanya ang karakter sa 'Black Rider.'
Ngayong linggo na mapapanood ang sikat na K-drama actor na si Kim Ji Soo sa full action series na Black Rider.
Ito ang unang pagkakataong mapapanood siya sa isang Philippine television series.
Kaakibat nito, umupo si Ji Soo sa isang exclusive interview kasama si Nelson Canlas para sa GMA Integrated News Interviews.
"Annyeonghaseyo, mga Kapuso! Ako po si Kim Ji Soo," pagbati niya.
Ibinahagi ng aktor ang paghahanda niya para sa pagganap niya bilang hired assassin na si Adrian Park sa Black Rider.
"Actually, I worked out a lot for this character. Because its an action drama, that for me is a really refreshing role. I also had a lot of conversations with the director and writer to build up my character," lahad niya.
Masaya naman si Black Rider lead star at primetime action hero Ruru Madrid sa pagpasok ni Ji Soo sa serye.
"Napakasarap po sa pakiramdam. Actually, nagtatanong ako sa prod na sana baka mabigyan kahit na isang fight scene lang o isang eksena lang, nagbabarilan kami," bahagi ni Ruru.
Nag-react si Ji Soo sa mainit na pagtanggap sa kanya ng co-star.
"He's so sweet! Salamat, Ruru. I also watched his acting in Black Rider. I think he's a really cool actor. Sadly, we didn't meet and get to work in Black Rider. One day, I hope to be able to meet him and work with him," aniya.
Abangan ang sikat na K-drama actor na si Kim Ji Soo sa mga parating na episodes ng 2024 New York Festivals bronze medalist at 2024 Gandingan Awards Most Development-oriented Drama Program na Black Rider!
SILIPIN ANG MEDIA CONFERENCE PARA SA BAGONG YUGTO NG BLACK RIDER KUNG SAAN DUMALO SINA RURU MADRID, YASSI PRESSMAN, ANGELI KHANG AT IBA PANG MIYEMBRO NG CAST:
Ang Black Rider ay kuwento ng isang simpleng delivery rider na magiging bayani ng lansangan at haharap sa isang malaking sindikato.
Walang magpapaiwan sa pagharuruot ng mas tumitinding kuwento ng full action series na Black Rider, Lunes hanggang Biyernes, 8:00 p.m. sa GMA Prime.
May simulcast ito sa digital channel na Pinoy Hits at may delayed telecast naman sa GTV, 9:40 p.m.
Maaari rin itong mapanood via livestream sa Kapuso Stream.
Panoorin ang buong ulat ni Nelson Canlas para sa 24 Oras sa video sa itaas.
