Around GMA

Article Inside Page

Ipinakilala bilang Easter egg sa isa pang serye ang karakter ni Miguel Tanfelix sa upcoming tech-driven action-drama series na Taskforce Firewall.

Gaganap si Miguel bilang Galo, retired na sundalo at combat specialist ng grupo.

Una siyang napanood sa pilot episode ng GMA Prime series na The Master Cutter bilang isa sa mga kasamahan ng bidang si Mr. Dingdong Dantes sa kanilang platoon.

"Basically, 'yun 'yung background ni Galo. Galing siyang militar, 'tapos after a few years, nag-retire siya," paliwanag ni Miguel sa kanyang karakter.

Maikli man ang paglabas niya sa serye, hindi daw niya malilimutan ang experience na ito.

"Kahit ako, nabitin ako doon sa taping ko doon sa The Master Cutter kasi sobrang passionate ng mga tao doon sa set, especially makasama si Kuya Dong," lahad ni Miguel.

Mas makikilala an ang karakter niyang si Galo sa Taskforce Firewall na tungkol naman sa isang grupo ng law enforcement agents na lalaban sa katiwalian ng mga taong gumagamit ng internet at technology sa masamang paraan.

Abangan ang Taskforce Firewall, simula May 25, 8:55 p.m. sa GMA Prime! May second telecast ito sa GTV tuwing 10:30 p.m. at mapapanood din sa GMA Play.

I-download ang GMA Play sa Apple App Store at Google Play. Available din ito sa GMANetwork.com/GMAPlay at sa mga Android TV.

KILALANIN ANG MGA BIDA NG TASKFORCE FIREWALL DITO:

Panoorin din ang buong ulat ni Aubrey Carampel para sa 24 Oras sa video sa itaas.