Katrina Halili, aminadong hindi pinangarap ang maging artista
Around GMA
Around GMA
Spain probes whether swine fever outbreak was caused by lab leak Dawn Zulueta opens up on navigating menopause with grace and confidence Torres game-winner saves Benilde, forces semis do-or-die versus SBUArticle Inside Page
Showbiz News
Paano nga ba nakapasok sa showbiz si Katrina Halili?
“Never, never. Hindi ko siya dream.”
Sa ganiyang paraan sinagot ng Black Rider star na si Katrina Halili ang tanong kung pinangarap ba niyang maging artista. Paglilinaw ng aktres, hindi dahil hindi niya type maging artista, kundi dahil pakiramdam niya ay hindi niya kaya dahil sa pagiging mahiyain.
Sa interview niya sa Surprise Guest with Pia Arcangel, inilahad ni Katrina na hindi siya nag-audition noon sa artista reality search na StarStruck, at na-discover lang siya sa roving na naghahanap ng mga talent.
“'Yung kumakain lang ako sa restaurant and then sabi pasok na'ko sa top 100 StarStruck,” sabi niya.
Pagbabahagi pa ni Katrina, “Tapos 'di ba may cut cut 'yun like 100, and then kina-cut sa 60, 40, 30, 14? Everytime na may mga kina-cut cut na 'yan, kunyari nakapila ako, biglang 'pag malapit na'ko parang may mga butterflies sa tiyan ko na kinakabahan ako, umaalis ako, umuuwi ako.”
TINGNAN KUNG NASAAN NA NGA BA ANG STARSTRUCK BATCH 1 SA GALLERY NA ITO:
Paliwanag ng aktres, ninenerbiyos at nagkakaroon kasi siya ng stage fright kaya siya umaalis. Ngunit kahit ganun ay tinatawagan pa rin siya ng production ng artista search para bumalik. Kuwento pa niya ay nag-a-alibi na siya minsan para hindi pumunta.
“Tinatawagan nila ako, sabi ko, 'ay may school po ako, hindi na po ako makakabalik,' ganun. Ang dami kong alibi tapos sasabihin nila, 'until what time 'yung school mo?' Sabi ko, five. Feeling ko tapos na kasi eight am kami pumila and then mga 1 pm ako tinawagan so akala ko 5 pm tapos na. 'Intayin po namin kayo hanggang 6,'” kuwento niya.
Dahil nahiya siya, bumalik siya at nakapasok din sa wakas sa artista search ng GMA noon. Para kay Katrina, maaaring destiny ang pagpasok niya sa showbiz, “kasi lagi ko siyang tinatakasan e, tuwing ako na 'yung iinterviewhin.”
Ibinahagi rin niya na walang alam noon ang pamilya niya sa pagpasok niya sa Starstruck at nalaman na lang nila ito nang makita nila sa TV.
“Kasi ganun ako, ayokong may makakakita sa'kin, nahihiya ako, ganiyan. Atsaka sa StarStruck, hindi ako nagpa-participate kaya maldita ' yung tingin nila sa'kin,” sabi niya.
Pakinggan ang buong episode ng podcast dito:
