Around GMA

Article Inside Page

All smiles at looking radiant ang It's Showtime host na si Kim Chiu sa naganap na media conference ng isang business app, kung saan ang aktres ay ang first-ever brand ambassador nito.

Puno ng excitement ang naramdaman ng Chinita beauty nang malamang siya ang kauna-unahang brand ambassador ng BillEase dahil aniya'y “very now” at very updated ang naturang app, lalo na ngayong halos online at puwede ng gawin sa cellphone ang lahat.

PHOTO COURTESY: GMA Network

Sandaling nakapanayam ng press ang actress-host matapos ang naturang event na idinaos sa Luxent Hotel sa Quezon City. Isa sa mga tanong para kay Kim ay tungkol sa kanyang trending na skydiving sa Dubai.

“Fifth skydiving ko na siya. So isa 'yan sa bucket list ko, 'yung tumalon talaga sa Dubai. Ginawa ko siya bago umuwi kasi masikip na talaga 'yung time pero pinilit ko talaga. Nag-7:00 a.m. jump ako so okay naman,” kuwento niya.

Ayon pa kay Kim, na-enjoy niya ang experience na ito at hindi siya takot sa heights.

Natanong din ang versatile Kapamilya star kung ano ang kanyang learning tungkol sa pag-ibig.

Aniya, “Installment lang natin ang pagbigay ng love. Hindi 'yung buo.”

Samantala, subaybayan ang It's Showtime, Lunes hanggang Sabado, 12 noon, sa GMA, GTV, at iba pang Kapuso platforms.

SAMANTALA, TINGNAN ANG STUNNING LOOKS NI KIM CHIU SA GALLERY NA ITO: