Around GMA

Article Inside Page

Isa sa pinakabagong aktor ngayon ng GMA si Kimson Tan. Noong August, napanood natin si Kimson bilang si Police Officer Dave Mendoza sa “Captain Barbie” episode ng Daig Kayo ng Lola Ko.

Sa press interview, ibinahagi ni Kimson kung paano siya nakapasok sa showbiz at ang inspirasyon para ipagpatuloy ito.

Ayon sa aktor, noong una ay hindi niya nakita ang sarili sa pag-aartista dahil pagba-basketball na ang kanyang naging buhay.

"Honestly, I never saw myself in this industry kasi basketball player ako before. My life was talagang paggising nasa utak ko basketball, NBA, kumbaga basketball lang,” kuwento niya.

"Pero nag-sign ako ng management contract with my management right now kasi it's a sport agency so more on sport talaga then one of our bosses and my manager asked me if I wanna try showbiz. So parang ako, 'Okay sige, I wanna try it,'" pagbabahagi ni Kimson.

Bago maging isang ganap na aktor, nagsimula si Kimson sa pagiging isang modelo. Hanggang siya ay mabigyan ng break na mapasama sa Boys Love series na “In Between” na pinagbidahan ng bagong Kapuso na si Migs Villasis noong 2020.

"Eventually noong nasubukan ko s'ya... at first it was modeling, gigs lang and noong na-experience ko talagang umarte 'yun 'yung nag-push talaga na ang saya palang maramdaman 'yung iba't ibang feeling. Ang saya palang makita 'yung sarili mo sa tv, ang saya palang makatrabaho 'yung iba't ibang klase ng tao, makakilala ng iba't ibang tao,” dagdag pa niya.

Naging ganap na Kapuso si Kimson noong Pebrero matapos na pumirma ng kontrata sa GMA Artist Center.

Samantala, kilalanin pa si Kimson Tan sa gallery na ito: