Around GMA

Article Inside Page

Hindi lang bilang Mama's Dream Bae ng Cavite kilala ngayon si Will Ashley kundi siya rin ang tinaguriang Nation's Favorite Son sa Pinoy Big Brother Celebrity Collab Edition.

Sa isang panayam, inilahad ng ex- PBB housemate at Kapamilya star na si Klarisse De Guzman na proud at hanga siya kay Will na isa sa remaining housemates sa Bahay Ni Kuya.

Ayon kay Klarisse, “Si Will nakakabilib din kasi talagang si [Will] minsan lang magsalita 'yan pero once na magsalita 'yun may laman, may sense talaga.”

Paglalarawan pa niya kay Will, nagkaroon talaga ng pagbabago sa personality ng binata na nagsimula noong pumasok siya sa Big Brother House.

“Nakakaproud kasi kitang-kita ko si Will ngayon na lumalaban na talaga 'di ba? From 'yung Will na mahiyain na feeling niya hindi siya bagay doon,” sabi ng Star Magic artist.

Pahabol pa niya, “I'm so proud of that boy [Will Ashley].”

Ang pagkakakilala ngayon ng Pinoy viewers ay dahil na rin sa closeness nila ni Klarisse bilang Mown and Son sa teleserye ng totoong buhay ng mga sikat.

Related gallery: Will Ashley's IG photos that scream summer

Ang final duo ng Sparkle star ay ang Star Magic artist na si Ralph De Leon.

Patuloy na subaybayan at suportahan si Will Ashley at ang RaWi (Ralph and Will) sa Pinoy Big Brother Celebrity Collab Edition.

Mapapanood ang Pinoy Big Brother Celebrity Collab Edition mula Lunes hanggang Biyernes, 9:35 p.m. at Sabado, 9:30 p.m., sa GMA, Kapuso Stream, GMANetwork.com, GMA Pinoy TV, Kapamilya Online Live, iWanTFC, at TFC.

Maaari ring silipin ang mga kaganapan ngayon sa loob ng Big Brother house sa All-Access Livestream ng programa.

Abangan ang iba pang detalye tungkol dito sa GMANetwork.com at iba pang social media platforms ng GMA at ABS-CBN.