Around GMA

Article Inside Page

Marami sa mga Pinoy ang kinarir ang self-improvement simula nang ipatupad ang community quarantine sa bansa noong nakaraang taon.

Isa na rito si Ralmon Mendoza, na hindi lang simpleng "level up" ang naging glow up dahil ang peg niya ang ang kanyang idolong Korean superstar na si Park Seo-joon.

Sources: ralmon.mndz (Instagram), bn_sj2013 (Instagram)

“Naalala ko elementary ang tawag sa 'kin 'pugo' tapos napaitim ko pa.

"'Tapos nung highschool naman tawag sakin 'bungi',” kwento ni Ralmon nang makapanayam ng Kapuso Mo, Jessica Soho.

Kaya naman pagdating ng kolehiyo ay nagdesisyon si Ralmon na gawing priority ang kanyang hitsura.

“Lagi may pulbos sa bag, may suklay. Na-achieve ko 'yung look ko ngayon kasi gumamit ako ng mga toner, papaya soap. Nakatulong din talaga 'yung paggi-gym talaga,” aniya pa.

Kung dati ay tinutukso-tukso lamang siya, marami na raw ngayong natutukso sa kanyang looks.

“'Pag naka-mask akala nila Korean pero 'pag tinanggal ko naman yung mask hindi naman,” aniya.

Aniya, marami na raw ang nakapansin sa pagkakahawig nila ng Korean actor.

“May similarity na 'yung angle namin magkamukha talaga kami tulad nung side view.

"'Tapos minsan 'yung serious face naming dalawa,” sabi pa niya.

“Ginagaya ko si Park Seo-joon sa hairstyle. 'Yung hitsura ko walang retoke kumbaga sobrang natural swerte lang talaga sa magulang,” aniya pa.

Ang mala-Korean look ni Ralmon ay nagamit din niya sa pag-aartista.

Siya ay kasalukuyang bahagi hit primetime series na First Yaya bilang isa sa mga miyembro ng presidential security group ni President Glen Acosta, na ginagampanan ni Kapuso actor Gabby Concepcion.

Pero kahit na naging puhunan din niya ang kanyang hitsura sa kanyang trabaho, giit niya, “Ang mahalaga 'yung masipag ka, may tiyaga.

"Kasi, kung wala kang tiyaga sa buhay mo wala kang makukuhang opportunity.”

Kilalanin ang umano'y Park Seo-joon counterpart ng Pilipinas na si Ralmon Mendoza sa espesyal na pagtatampok na ito ng Kapuso Mo, Jessica Soho:

Samantala, tingnan ang local celebrities at ang kahawig nilang Korean stars:

Related content:

KMJS: Pinay na parang Koreana ang ganda, viral!