Around GMA

Article Inside Page

Puno ng pasasalamat si Kris Bernal na muli siyang nakabalik sa Sparkle GMA Artist Center.

Si Kris ay pumirma sa Sparkle ngayong August 12, 2025. Kasama ni Kris sa kaniyang contract signing sa Sparkle si Atty. Annette Gozon-Valdes, GMA Senior Vice President for Programming, Talent Management, Worldwide, and Support Group and President of GMA Films; First Vice President of Sparkle GMA Artist Center and Talent Development & Management Joy Marcelo; at Sparkle Senior Talent Manager Tracy Garcia.

Ayon kay Kris, masaya siya sa kaniyang "homecoming" sa Sparkle pagkatapos ng ilang taon.

Saad ni Kris, "Thank you for having me again. GMA has always been my first family since I joined StarStruck way back in 2007. Nagsunod-sunod na 'yung shows ko. Ang dami kong nagawang serye sa GMA, actually, hindi ko na mabilang. Every year may ginagawa akong soap at I am very thankful na doon ako nagkaroon ng pangalan. Doon ako nakilala as Kris Bernal."

Ngayong balik-Sparkle na si Kris ay nagpasalamat siya sa muling pagtitiwala sa kaniya bilang isang aktres.

"Maraming maraming salamat again for trusting me, for the confidence, and the support. Ako, I am pledging my loyalty, my energy, and my full heart to GMA Network."

Inilahad din ni Kris ang kaniyang pasasalamat sa tiwala ngayong isa na siyang mommy.

"Maraming maraming salamat sa pagtanggap kahit nanay na. Pwede pa pala ako magka-career. Kahit mommy na ako pwede pa pala ako maging artista. Pwede ko pa rin ituloy yung craft ko, 'yung love ko for acting."

Sa huling bahagi ng kaniyang speech, muli siyang nagpasalamat sa Sparkle.

Ani Kris, "Thank you Sparkle kasi 'di ba nawala ako for so long. Matagal din. Na-cut 'yung contract. Ngayon happy ako na makabalik sa inyo."

IN PHOTOS: Kris Bernal through the years