Around GMA

Article Inside Page

Masaya at grateful si Lexi Gonzales sa naging reaksyon ng publiko sa kanyang karakter na si Emma Mallari sa GMA Prime tech-driven action series na Taskforce Firewall.

“I've seen naman the feedback. Well, happy lang ako na ang daming nakanood, especially that episode, at I don't know how to react,” pagbabahagi ni Lexi sa Fast Talk with Boy Abunda nitong Martes, June 30, kasama ang co-star na si Cheska Fausto.

Paglilinaw ni Lexi, umpisa pa lang ay alam na niyang mawawala ang karakter niya at sinabing guest star lang siya sa serye.

“Full disclosure, I am a guest of Taskforce Firewall talaga. Actually, na-extend na nga or na prolong na nga 'yung death niya 'cause supposed to be it was just four weeks. But then, they extended me,” sabi ni Lexi.

Pinasalamatan pa ni Lexi ang production ng serye sa pag-extend sa kanya ng five weeks at sinabing masaya na siya doon.

Noong nakaraang linggo, nagpaalam na ang kanyang karakter sa naturang serye at maraming netizens ang nagpahatid ng kanilang panghihinayang na tinanggal na si Emma.

Dahil sa pag-iimbestiga nila sa isang large-scale scam hub, na-ambush ang team at si Emma ang napuruhan.

Sa isang post sa kanyang Instagram, pinasalamatan niya ang Taskforce Firewall at nagbahagi ng ilang litrato nila sa set.

BALIKAN ANG MGA LITRATO NI LEXI NA IPINAPAKITA ANG KANYANG STRONG GIRL VIBES SA GALLERY NA ITO:

Sa paglabas ni Lexi, papasok naman sa serye si Kyline Alcantara na gaganap bilang si Callie Sandoval, isang forensic accountant na may nakaraan kay Galo, ang karakter ni Miguel Tanfelix.

“Dagdag kulay sa buong Team Firewall. Kung paano ba dynamics nila 'pag nandyan na si Callie," sabi ni Miguel sa panayam ni Aubrey Carampel para sa 24 Oras.

Panoorin ang panayam kay Lexi dito: