Around GMA

Article Inside Page

Pinahanga ni Bida Kid Lovern Montajes ang Centerstage judges na sina Pops Fernandez, Aicelle Santos at Mel Villena sa katatapos lamang na episode ng Centerstage nitong Linggo.

View this post on Instagram

A post shared by Aicelle Santos 🇵🇭 (@aicellesantos) on Feb 23, 2020 at 7:11am PST

Pinahanga ni Lovern ang judges nang ibirit niya ang kantang “Chandelier” ng Australian singer-songwriter na si Sia.

Aminado ang mga hurado na mataas ang range ng awitin ngunit mahusay itong naawit ng young contestant.

“Mahirap abutin 'yon.

"Magaling humawak ng rhythm. Magaling mong laruin 'yung tiyempo. Mahirap kantahin ito especially 'yung intro pa lang. Mahirap pasukin 'yung gano'n.

"Alam mo, maski na mga professional singer mahihirapan pumasok du'n basta-basta,” paliwanag ni musical director Mel.

Lahad naman ni Concert Queen Pops, “I love your high notes. I love that you can sustain your high notes.

"I love also that maski na kinakanta na niya 'yung sobrang high, nakokontrol niya pa rin 'yung high notes niya and she stays there.”

Sinabi naman ni Aicelle na nagustuhan niya ang ginawang shift ni Lovern from high head tone to falsetto.

“Hindi ko nga 'yun magawa pero she did it perfectly!” aniya.

Dagdag pa ng Kapuso vocal powerhouse, “Ang husay-husay no'n. Ang ganda-ganda nu'ng ginawa mo du'n. Kita ko 'yung sa rate mo na sinasabi ni Sir Mel, very soulful ka kumanta.

“So excited ako 'pag nag-mature pa lalo 'yung boses mo.

"Ang dami mong genre na puwedeng gawin given that beat mo, soulful style of singing and your range as well.”

Hosted by Asia's Multimedia star Alden Richards at Kapuso comedian Betong Sumaya, napapapanood ang Centerstage tuwing Linggo, 7:40 p.m., sa GMA Network.

Rain Barquin advances to 'Centerstage''s grand finals!

'Centerstage's' Velle Sigua sells face masks to help schoolmates protect themselves from COVID-19