Maegan Aguilar, tinulungan ni Kuh Ledesma para makapagpa-rehab
Around GMA
Around GMA
Hours of rain flood areas in Iloilo City, Western Visayas Hours of rain flood areas in Region 6; no direct effect from #KiyapoPH Anne Raz celebrates enduring love in new single 'Di Magbabago'Article Inside Page
Showbiz News
TRIGGER WARNING: This article mentions drug addiction and suicide Ang 20-taong pagkakaibigan ang naging tulay ni Maegan Aguilar kay Kuh Ledesma para makapagpa-rehab sa unang pagkakataon.
Kamakailan lang ay nakalabas na si Maegan Aguilar, ang anak ng yumaong OPM legend na si Freddie Aguilar, mula sa rehab dahil sa kaniyang drug addiction. Pagbabahagi ng Pinoy singer, isa si Kuh Ledesma sa mga unang tumulong sa kaniya.
Sa Fast Talk with Boy Abunda nitong Biyernes, July 24, binalikan ni Maegan ang kaniyang journey sa rehab at kabilang na rito ang pagtulong sa kaniya ni Kuh.
Pagbabahagi ni Maegan, dati pa niyang sinubukang tulungan ang sarili nang lumapit siya sa programa ni Senator Raffy Tulfo. Ngunit sa kasamaang palad, hindi ito naging matagumpay at bumalik siya at ang sa paggamit ng bawal na gamot.
“Nagsara na rin 'yung pinto na 'yun. E at that time, that was the last door that was open for us, in our heads. Not just mine, kasi nga kasama ko pa 'yung partner ko at that time. And then siyempre, naging laughing stock na 'ko na naman ng social media, and then I was not hearing anything from my family pa rin. Para talagang tinabla talaga nila 'ko,” sabi ni Maegan.
Umabot na rin umano si Maegan sa puntong sinukuan na niya ang sarili at gusto na niyang kitilin ang sariling buhay. Para umano sa Pinay singer, okay naman na ang kinalalagyan ng mga anak niya at hindi na siya kailangan ng mga ito.
“I can just go and no one will even feel that I'm gone. Ganu'n 'yung iniisip ko. Nobody will notice, nobody will care,” sabi ni Maegan.
KILALANIN ANG CELEBRITIES NA HUMINGI NG TULONG SA REHAB PARA AYUSIN ANG KANILANG BUHAY SA GALLERY NA ITO:
Ngunit sa kabutihang palad, lumapit sa kaniya ang isa sa mga tao ni Kuh na naging tulay para magkita ulit sila ng dating kaibigan. Pagbabahagi ni Maegan, may 20 taon nang nakakaraan nang magsimula ang pagkakaibigan nila ni Kuh kaya ikinagulat niyang naalala pa siya nito at ang pagkakaibigan nila.
“She remembered that friendship and decided like 'Okay, I'll help her out. No one's there.' And she did. And that's how I got in rehab one, because of Kuh,” sabi ni Maegan.
Nang umalis siya sa unang rehab, naging outpatient pa siya at nanirahan panandalian sa hacienda ni Kuh. Ngunit hindi nagtagal, muli siyang bumalik sa paggamit ng ipinagbabawal na gamot na, pag-amin niya, ikinalungkot ng kaibigan.
“She was so sad, she was sad kasi nga, sabi niya, 'You already know what happened to you living that life. Why did you have to repeat?' Pero kasi in the end, it only works if you work it. It has to be you, e,” sabi ni Maegan.
“Kahit the best rehab pa 'yan in the whole world, or the best advisor, kung ayaw mo, it's not gonna work,” pagpapatuloy ng batikang singer.
