Around GMA

Article Inside Page

Nagsimula na ang “The Promise,” ang ikalawang seryeng handog ng drama anthology na I Can See You, nitong Lunes, October 5.

Tampok sa serye sina Kapuso A-list stars Paolo Contis, Andrea Torres, Benjamin Alves at Yasmien Kurdi. Kasama rin nila rito ang actress-host na si Maey Bautista.

Gaganap ang aktor bilang ang milyonaryong businessman na si Frank Agoncillo na labis na nagdadalamhati sa pagpanaw ng pinakamamahal niyang asawa, si Clarisse Agoncillo (Yasmien). Pumanaw si Clarisse nang masangkot sila aksidente.

Dahil dito, naging miserable ang dating makulay at masayang buhay ni Frank. Sa kanyang pagdadalamhati ay nakilala niya si Ivy Teodoro (Andrea), ang girlfriend ng pinsan at right hand man niyang si Jude Agoncillo (Benjamin). Ang pagdating ni Ivy sa buhay niya ang muling magpapanumbalik sa mga alaala ng namayapang si Clarisse.

Sa ikalawang episode nito ay tuluyan nang magbabalik ang yumaong si Clarisse sa pamamagitan ni Ivy.

Maniniwala kaya si Frank sa nakalilito at nakabibiglang pag-amin na ito?

Abangan ang mga kapana-panabik na eksena sa pagitan nina Frank, Ivy at Clarrise sa I Can See You: The Promise ngayong gabi, October 6, sa GMA Telebabad pagkatapos ng Encantadia.