Around GMA

Article Inside Page

Ikinuwento ng celebrity twins na sina Mavy at Cassy Legaspi ang kanilang fitness journey at ibinahagi ang inspirasyon nila sa pagiging fit.

Sa “Chika Minute” report ni Athena Imperial para sa 24 Oras, bunga ng pagkakaroon ng active lifestyle at healthy diet ang glowing at fit figures nina Mavy at Cassy.

“'Yung sa akin talaga, trial and error. As in ginawa ko lahat, all workouts, all diets, and then finally I finally found the right one. I think mas swak talaga sa akin is pilates tapos sports, pickleball and tennis girlie ako,” kwento ng Whispers From Heaven actress.

“Lifting and a lot of running,” ani naman ni Mavy.

Ayon pa sa dating Hating Kapatid stars, hindi sila nagbibilang ng calories pagdating sa food intake, ngunit mas mindful sila sa kanilang kinakain.

“Very much balanced diet, parang less stress. More lifestyle change talaga,” pagbabahagi ni Cassy.

Dagdag pa ni Mavy, “Ang hirap mag-count ng calories kasi parang very short term siya. So as much as I go to the gym, I also want to enjoy the food that I eat. Balance lang.”

Nagsisilbing fitness inspiration rin para kina Mavy at Cassy ang kanilang mga magulang na sina celebrity couple Carmina Villarroel at Zoren Legaspi, na hanggang ngayon ay active sa sports.

“Napu-push kami mag-workout 'cause like parang nakakahiya naman na at their age, they're still working out t'as kami, 'di ba. We just push each other,” sabi ng aktor.

Panoorin ang "Chika Minute" report sa video sa ibaba.

SAMANTALA, TIGNAN ANG FUN ADVENTURES NG LEGASPI FAMILY SA GALLERY NA ITO.