Max Collins pokes fun at Caitlyn Stave's character in 'My Guardian Alien'
Around GMA
Around GMA
Julia Montes surprises Alden Richards at his fan meet Pop Mart opens cafe-themed pop-up store in QC Duterte calls plunder, graft raps a 'fishing expedition'Article Inside Page
Showbiz News
Kapuso actress Max Collins sa kanyang onscreen sister na si Caitlyn Stave: 'I still won't give you your pamasahe'
Kasalukuyang napapanood ang Kapuso actresses na sina Max Collins at Caitlyn Stave sa GMA Prime series na My Guardian Alien.
Ang dalawang aktres ay gumaganap bilang ang magkapatid na sina Venus (Max Collins) at Halley (Caitlyn Stave) sa naturang serye.
Sa Instagram story ay ibinahagi ng celebrity mom ang larawan kasama ang kanyang onscreen sister at may pabirong mensahe para sa huli.
“With my pretty sis. I still won't give you your pamasahe,” sulat ni Max sa kanilang larawan.
Ni-repost naman ni Caitlyn ang larawan nila ni Max at sinabi, “HAHA LOVE YOU.”
Matatandaan na kinaaliwan ng netizens ang eksena nina Max at Caitlyn sa 9th episode ng My Guardian Alien, kung saan nagkaroon ang dalawa ng matinding sagutan.
Sa naturang eksena ay tinawag ni Halley si Manong Ben upang ihatid siya pabalik ng Maynila ngunit hindi pumayag si Venus. Dahil dito, sinabi ni Halley na magko-commute na lamang siya at humingi ng pamasahe sa kanyang nakatatandang kapatid ngunit hindi siya binigyan nito.
Sa naging Kapuso Artistambayan appearance ni Caitlyn, ikinuwento niya na nagtutulungan sila ni Max sa kanilang mga eksena.
Aniya, "It's more playful kasi I think that Max and I, personally, we have a lot of things in common with our upbringing. It's really fun to work with her and [in] our scenes we help each other. She helps me a lot. We invest in each other's emotions. So it's really easy to work with her po."
Subaybayan ang My Guardian Alien tuwing Lunes hanggang Biyernes, 8:50 p.m., sa GMA Prime. Mapapanood din ito sa Pinoy Hits at Kapuso Stream.
Maaari ring mapanood ang serye sa oras na 10:30 p.m. sa GTV.
