Mel Tiangco, nagtampo nang mawala sa ere ang 'Magpakailanman'
Around GMA
Around GMA
Some tourists spend Holy Week in Boracay Man who complained of small pay steals P157K from store; arrested Daig Kayo Ng Lola Ko: Witchikels (Full Episodes Marathon) | Stream TogetherArticle Inside Page
Showbiz News
Inamin ni Mel Tiangco nagkaroon siya ng tampo nang pansamantalang nawala sa telebisyon ang 'Magpakailanman.'
Ipinagdiriwang ng real life drama anthology na Magpakailanman ang ika-23 anibersaryo nito.
Para sa host nitong si veteran broadcast journalist Mel Tiangco, ang pinakamalaking milestone ng programa ay ang pagbabalik nito sa telebisyon.
Matatandaang nagsimula ang Magpakailanman noong 2002 at umere hanggang 2007. Nagbalik ito sa telebisyon noong 2012.
"We were off the air because, according to Mrs. (Wilma) Galvante, at that time, ang uso na noon, ang genre at that time was contests--television contests. 'Yung drama, medyo ayaw na daw ng mga tao. Of course, I cried. I cried and cried. Not in front of Wilma. I'm not the type to cry publicly, but I cried," paggunita niya sa isang intimate media conference.
Matagal daw itong dinamdam ni Tita Mel dahil naniniwala siyang timeless ang drama at hindi basta lang pagsasawaan ng mga tao, lalo na kung base ito sa tunay na kuwento.
"I kept it in my heart kasi I didn't think it was true. I think people have different tastes. In my mind, hindi isa lang 'yung klase ng genre na magugustuhan ng televiewers. In my mind, it was that people would always appreciate a drama, true to life stories. Basta 'yan, umiikot sa utak ko talaga. Hindi ako nakakatulog when they said na game shows na ang [uso]. Of course, hindi naman puwedeng labanan ang network," kuwento niya.
Aminado rin ang host na nagkaroon siya ng tampo at dahil dito, bahagyang nag-alinlangan nang alukin na ibalik sa telebisyon ang Magpakailanman.
"After several years, si Redgie (Magno) naman ang nag-[sabi] sa akin, 'Gusto ni FLG.' FLG, of course, represents Atty. (Felipe L.) Gozon. Who fights him? He always gets what he wants. He wants you back on Magpakailanman. What? Parang ano ako, 'Tsk, ayoko nga. Tatanggalin n'yo tapos ibabalik n'yo.' Para naman kaming busabos na 'Tapos ka na!' Siyempre tao lang ako, I was harboring certain tampo," natatawang ibinahagi ni Tita Mel.
Wala namang daw siyang pagsisisi na muli niyang tinanggap ang show at nakabalik ito sa ere.
"As I said, FLG will get what he wants. And so we are back! That is why the biggest milestone was when Magpakailanman was brought back on the air, and it has been there since," aniya.
SILIPIN ANG 23RD ANNIVERSARY MEDIA CONFERENCE NG MAGPAKAILANMAN DITO:
Patuloy na panoorin ang Magpakailanman, every Saturday, 8:15 p.m. sa GMA.
Naka-livestream ito nang sabay sa Kapuso Stream.
