Mga pelikula ni Nora Aunor, tampok sa I Heart Movies
Around GMA
Around GMA
Cabral poised to do ‘tell-all’ before her death, says Lacson Davao police say boy’s injury not caused by firecrackersArticle Inside Page
Showbiz News
Mapapanood ang ilang mga pelikula ni Nora Aunor sa I Heart Movies ngayong linggo.
Mga pelikula ni National Artist for Film and Broadcast Arts at Superstar Nora Aunor ang mapapanood ngayong linggo sa digital channel na I Heart Movies.
Isa na riyan ang Kastilyong Buhangin pinagbidahan ni Nora kasama si Lito Lapid, at mula sa direksiyon ng legendary film director na si Mario O'Hara.
Kuwento ito ng isang aspiring singer at ng kasintahan niyang bagong laya mula sa kulungan.
Abangan ang Kastilyong Buhangin, May 21, 12:00 p.m. sa Takilya Throwback.
Balikan din ang locally at internationally acclaimed film na Naglalayag kung saan nakapares naman ni Nora si Yul Servo.
Tungkol naman ito sa love affair sa pagitan ng middle-aged na hukom at isang binatang taxi driver.
Kabilang sa international awards na natanggap nito ang Special Jury Award para sa direktor na si Maryo J. de los Reyes, Best Actress para kay Nora Aunor at Best Actor naman para kay Yul Servo sa 31st Festival International du Film Indépendant de Bruxelles sa Belgium.
Sa Pilipinas naman, nabingwit nito ang Best Picture, Best Actress para kay Nora Aunor, Best Actor para kay Yul Servo, Best Supporting Actress para kay Aleck Bovic, Best Director para kay Maryo J. de los Reyes, Best Screenplay, Best Story, Best Musical Score at Best Original Theme Song sa 2004 sa Manila Film Festival.
Sa 2005 FAMAS Awards naman, nakuha nito ang Best Picture, Best Director para kay Maryo J. de los Reyes, Best Supporting Actress para kay Aleck Bovic, Best Story, Best Original Theme Song, Best in Editing at Best in Cinematography.
Tunghayan ang Naglalayag, May 22, 12:00 p.m. sa Takilya Throwback.
Huwag din palapamsin ang 'Merika ni Nora kasama ang mabuting kaibigan na si Bembol Roco at directed by award-winning filmmaker Gil Portes.
Iikot naman ang kuwento nito tungkol sa mga Pinoy na expat sa Amerika na hinaharap ang lungkot at pangungulila sa sarili nilang bayan.
Abangan ang 'Merika, May 23, 12:00 p.m. sa Takilya Throwback.
Mapapanood ang I Heart Movies sa channel 5 ng digital TV receiver na GMA Affordabox at GMA Now. Available rin ito sa iba pang digital television receivers.
