Around GMA

Article Inside Page

Isa sa mga kinakiligang eksena sa GMA Afternoon Prime series na Born to Shine ang confession ni Nate kay Jeni, na ginagampanan nina Michael Sager at Zephanie. Sa katunayan, pag-amin ng aktor, pinaghandaan niya nang husto ang eksenang iyon.

“Siguro 'yung eksena na 'yun, 'yun 'yung pinaghahandaan ko because I knew one day it would come in the story, and siguro the way that it was executed, natuwa ako because I wanted to put a twist on it,” sabi ni Michael.

Nakapanayam ng GMANetwork.com ang aktor sa naganap na mall show at album launch ng musical drama series nitong Sabado, July 18, sa SM Center Muntinlupa.

Ibinahagi rin ni Michael ang lesson na natutunan niya mula sa eksena, “Umamin man siya, [pero] hindi pa ready 'yung babae. Kumbaga, right person, wrong timing, and it's a lesson that I love to learn about, and it's something that I wish the viewers can connect to as well.”

BALIKAN ANG NAGING FIRST IMPRESSION NINA MICHAEL AT ZEPHANIE SA ISA'T ISA SA GALLERY NA ITO:

Matatandaan na naiiba rin ang paraan ni Nate ng pag-amin ng totoong nararamdaman para kay Jeni. Bilang isang singer-songwriter, gumawa ng kanta si Nate, ang “Paano Ba Sasabihin,” para sa kaniyang upcoming album.

Sa album launch niya na dinaluhan ng YUMI na sina Jeni, Alfea (Naya Ambi), Yuna (Mitzi Josh), at Nancy (Gea Mischa), inawit ni Nate ang bago niyang kanta para iparating ang totoo niyang nararamdaman.

Sa panayam kay Michael, sinabi ng aktor na tungkol naman talaga sa pag-amin ang kanta.

“It's through the world of Nate, talagang hindi niya ma-translate 'yung nararamdaman niya. And of course he's a singer, he's a songwriter, so ginawa niya, sinulat na lang niya 'yung nararamdaman niya and he created a beautiful song to tell that person that he loves,” sabi ni Michael.