Around GMA

Article Inside Page

Nagsalita na rin ang Kapuso star at beauty queen na si Michelle Dee tungkol sa kontrobersyal na isyu ng pagiging isang halfie, o mga Pinoy na may foreign blood, at sa tagumpay na nakukuha nila sa international stage.

Sa Fast Talk with Boy Abunda nitong Martes, June 17, idiniin ni Michelle Dee na hindi naman nasusukat ang tagumpay sa dugo lang na dumadaloy sa kaniyang katawan.

“We've gotten so much success on the international stage by being Filipino. And we should always recognize that it's not just about who we are, it's also the people who are carrying us,” sabi ni Michelle.

Binigyan diin din ni Michelle Dee ang naging papel ng mga Pilipino para sa natamasang tagumpay ng mga kinatawan ng Pilipinas sa mga patimpalak sa ibang bansa. Aniya, maging siya, sa kabila ng pagiging 3rd generation Chinese, ay tumatamasa pa rin ng suporta.

“What should be true is your pride for the country you're representing, and that's not just limited in pageantry, that's limited across the board whether it's Olympics, whether that's in music,” sabi ni Michelle.

KILALANIN ANG MGA PINOY CELEBRITIES NA MIXED-RACE SA GALLERY NA ITO:

Pagpapatuloy ng actress-beauty queen, “Some of the most celebrated halfies abroad still feel the support of being Filipino. I don't think it's right to claim that because of being halfie, doon lang nagkaka-success; I think it's just important for the Filipinos to know that it's not about what's in your blood, it's about what you're proud of, it's about who you're proud to be and the country you're representing.”

Nagsimula ang isyu tungkol sa halfies ng kumalat ang ilang komento online tungkol sa kakayahan ng mga Pilipino na hindi mixed-race na sumabak sa international competitions.

Ilang celebrities na rin ang nagsalita tungkol dito, kabilang na si Joy Barcoma na nagpahayag naman ng disappointment tungkol sa isyu.

"Disappointed ako kasi parang ni-represent mo na 'yung Philippines, tapos ang baba pa rin ng tingin mo sa mga Pinoy,” Joy said during one of her live broadcasts. “And it's not even about being half Filipino; [but], parang, the mindset towards Filipinos dahil half ka," sabi nito.