Around GMA

Article Inside Page

Puspusan ang paghahanda ng Sparkle artist na si Michelle Dee para sa pagsabak niya sa nalalapit na Miss Universe 2023. Kaya naman, pabaon ng GMA at Sparkle executives sa beauty queen ay words of encouragement.

Sa interview ni Nelson Canlas para sa 'Chika Minute,' ipinahayag ni Senior Vice President for GMA Newtwork Inc Atty. Annette Gozon-Valdez ang kaniyang mensahe para kay Michelle. Naganap ito sa send-off party ng dalaga.

“Ang dami talagang really want to wish her luck in her journey. She will represent the Philippines very well in the Miss Universe Pageant,” sabi nito.

Samantala, may dagdag naman na paalala ang Vice President ng Sparkle GMA Artist Center na si Joy Marcelo kay Michelle at iyon ay ang bawasan ang pagiging fierce nito, lalo na sa mga pictorial.

“Just have fun, just be yourself. Sabi ko, bawasan ang pagka-fierce kasi alam mo naman 'yung mga pictures niya, puro fierce so sabi ko bawasan ang pagka-fierce and bring out the real Michelle na she's really a warm, good-hearted person,” sabi nito.

Bukod sa training, ibinahagi rin ni Michelle na may mga requirements pa silang kailangan matupad at mga responsibility sa kaniyang mga sponsors na kailangan magampanan bago ang mismong pageant.

“If you see my schedule this month, puno talaga but of course, we have to know how to make our priority list,” kuwento nito.

SAMANTALA, SILIPIN ANG NAGING PASARELA NI MICHELLE SA GALLERY NA ITO:

Samantala, kasabay ng send-off party ay ang birthday celebration naman ng bestfriend at kapwa niya aktres na si Rhian Ramos. Nang tanungin ang nararamadaman ni Rhian sa kaniyang kaarawan, ang sagot nito, “I'm very very blessed.”

“Lalaban 'yung best friend ko sa Miss Universe, ako naman, I'm very very blessed because I'm still coming off of the very great success of the show that I just did, 'Royal Blood.' I'm so happy about it,” sabi nito.

Dagdag pa ng aktres, “I feel like I have everything I need. I just want all the people around me to be happy and healthy.”