Miguel Tanfelix, gaganap bilang retired soldier na may PTSD
Around GMA
Around GMA
Balitanghali Livestream: May 22, 2026 Radio broadcaster shot dead in SGA-BARMM The court, the dike, and the kitchen: Jayson Castro's full-court press for Kapampangan heritageArticle Inside Page
Showbiz News
Gaganap si Miguel Tanfelix bilang retired na sundalong may PTSD sa 'Taskforce Firewall.'
Inilarawan ni Kapuso actor Miguel Tanfelix bilang "tricky" ang kaniyang karakter sa upcoming tech-driven action-drama series na Taskforce Firewall.
Gaganap siya rito bilang Galo, isang retired soldier na magiging combat specialist ng cybercrime division sa fictional na Philippine Bureau of Investigation (PBI).
Unang ipinakilala ang karakter niya bilang Easter egg sa GMA Prime series na The Master Cutter.
"'Yung character ko rito ay may PTSD (post-traumatic stress disorder) kasi galing nga siya sa militar. Nakita n'yo sa 'The Master Cutter', si Galo. Same character po 'yun, magkadugtong sila," paliwanag ni Miguel.
"A few years ago lang 'yung The Master Cutter so maraming naging experiences si Galo sa pagiging militar niya at dala dala niya 'yung trauma na 'yun hangang sa mag-retire sya at mahanap nya 'yung pamilya niya sa PBI," dagdag niya.
Ang post-traumatic stress disorder o PTSD ay isang mental health condition na nade-develop matapos ang matiding trauma. Nagdudulot ito ng mood changes, sleep issues, at iba pang behavioral changes sa isang tao.
"As an actor naman, 'yung character ko rito medyo tricky siya dahil iba 'yung pinapakita niya sa labas pero iba 'yung nararamdaman niya sa loob--na sumasalamin sa maraming tao. For sure, ganyan din kayo--iba 'yung pinakkita n'yo sa pamilya n'yo, sa friends n'yo, pero deep inside, malungkot kayo. Very relatable 'yung character and siyempre challenge din siya dahil kailangan mahanap ko 'yung sweet spot, 'yung balance doon," lahad ni Miguel.
Ang Taskforce Firewall ay tungkol isang grupo ng law enforcement agents na lalaban sa katiwalian ng mga taong gumagamit ng internet at technology sa masamang paraan.
Bukod kay Miguel, bahagi rin ng serye sina Kylie Padilla, Jak Roberto, Kyline Alcantara, Buboy Villar at marami pang iba.
Abangan ang Taskforce Firewall, simula May 25, 8:50 p.m. sa GMA Prime! May second telecast ito sa GTV tuwing 10:30 p.m. at mapapanood din sa GMA Play.
I-download ang GMA Play sa Apple App Store at Google Play. Available din ito sa GMANetwork.com/GMAPlay at sa mga Android TV.
SILIPIN ANG MEDIA CONFERENCE NG TASKFORCE FIREWALL DITO:
