Around GMA

Article Inside Page

Nagpaabot ng pasasalamat si Mika Salamanca sa production team at iba pang naging parte ng suspense collab series ng GMA at ABS-CBN na The Secrets of Hotel 88.

Related gallery: Meet the cast of The Secrets of Hotel 88

Grateful din si Mika sa mainit na suportang natanggap niya at ng cast mula sa viewers at kani-kanilang fans.

Ang pagpapasalamat ng Sparkle star ay idinaan niya sa isang post sa Instagram, kung saan nagbahagi siya ng photos na kuha sa set ng serye.

Makikita rito ang bonding at kulitan moments niya kasama ang co-stars niya gaya nina Brent Manalo, Will Ashley, Vince Maristela, Bianca De Vera, at marami pang iba.

Kakabit ng photos ay ang kanyang mensahe sa mga bumuo, tumutok, at pati na rin ang karakter niya sa serye na si Luna.

Sulat niya, “Some stories end on screen, but never leave your heart. 'Til next time, Luna Almazan. Maraming Salamat sa lahat ng bumuo at naki-check in kasama namin sa Hotel 88.”

“Thank you for making this journey unforgettable,” pahabol niya.

View this post on Instagram

A post shared by Mika Salamanca (@mikslmnc)

Sa comments section ng post ni Mika, mababasa rito ang makulit na reactions ng kanyang co-stars.

Si Mika ang itinanghal na Kapuso Big Winner sa Pinoy Big Brother Celebrity Collab Edition, kung saan niya unang nakasama ang ilang cast members ng The Secrets of Hotel 88.

Samantala, huwag palampasin ang finale ng suspense collab series, ngayong Biyernes na, June 26, 9:35 p.m, sa GMA Prime.

Mapapanood din ito sa Kapuso Stream, GMA Pinoy TV, TFC, iWant TV, at Kapamilya Online.

Related video: AZ Martinez, Ralph De Leon react to positive feedback on their 'The Secrets of Hotel 88' scenes | Online Exclusive