Around GMA

Article Inside Page

Saludo si Kapuso actress Mikee Quintos sa parenting style ng kanyang amang si Wardee Quintos.

Hindi daw ito mapangaral at sa halip, hinahayaan daw nitong na matuto silang magkapatid mula sa kanilang mga pagkakamili.

"Hindi siya ma-advice. Hindi siya masalita. Observant siyang tao. Na-realize ko 'yun this quarantine na ang observant nga ni Dad," kuwento ni Mikee sa isang eksklusibong panayam ng GMANetwork.com.

Gusto raw kasi ng kanyang Daddy Wardee na sila mismo ang makarating sa sarili niyang mga kongklusyon.

"Kahit nakikita niyang mali 'yun opinyon mo or mindset mo about something, hindi niya ipipilit sa 'yo na hindi dapat ganyang mag-iisp. Hindi siya ganun. Hahayaan niyang madapa ako at ma-realize ko mag-isa 'yun. Saka lang siya magsasalita," aniya.

Gayunpaman, lagi pa rin itong naka alalay sa kanya.

"He's watching out for us. Sobrang protector vibe na hindi niya kailangan ng credit. Hindi niya kailangan mapansin na ginagawa niya 'yun. Ganoon siya mag-love eh. Ganoon siya mag-alaga sa amin, nanonood lang siya from afar. Gusto niyang makita ka mag-grow mag-isa," paliwanag ni Mikee.

Panoorin ang buong panayam kay Mikee dito:

Naghahanda na si Mikee na muling gumawa ng videos para sa kanyang YouTube channel.

Habang quarantine, binalikan niya ang ilan sa kanyang hobbies tulad ng pagtugtog at pagguhit.