'Missed Connections' nina Kelvin Miranda at Miles Ocampo, nangungunang pelikula pa rin sa Netflix Ph

Patuloy na nangunguna sa listahan ng top 10 Movies in the Philippines sa Netflix ang bagong romantic-comedy film ng aktres na si Miles Ocampo kasama ang Kapuso heartthrob na si Kelvin Miranda na Missed Connections.

Simulang ipinalabas ang kanilang pelikula sa Netflix noong Biyernes, June 2.

Umiikot ang istorya nito sa kwento ni Mae (Miles Ocampo), isang babae na gagawin ang lahat para magustuhan siya ni Norman (Kelvin Miranda), ang lalaking nakilala niya sa isang grocery store na bumihag sa kanyang puso.

Sa Instagram, nagbahagi si Miles ng ilang behind-the-scenes photos mula sa set ng Missed Connections.

“I've never had a serious love-hate type of relationship with any of the characters I've played before Mae. But… a person's growth is something that I will always root for,” aniya sa kanyang caption.

Pinasalamatan din ng dating Dabarkads ang cast at crew ng naturang proyekto.

Dagdag niya pa, “Forever grateful to @animastudiosph, @uxs_inc, @netflixph, the whole cast and crew, and especially to direk @jelisechungortigas for allowing me to explore and to just have fun with it.

“MISSED CONNECTIONS” NOW STREAMING ON NETFLIX!”

SAMANTALA, SILIPIN ANG STUNNING PHOTOS NI MILES OCAMPO SA GALLERY NA ITO: