'The Missing Husband' actress Yasmien Kurdi greets Filipino Muslims a happy Eid al-Adha
Around GMA
Around GMA
Spain probes whether swine fever outbreak was caused by lab leak Dawn Zulueta opens up on navigating menopause with grace and confidence Torres game-winner saves Benilde, forces semis do-or-die versus SBUArticle Inside Page
Showbiz News
Inalala ni Yasmien Kurdi ang ilang childhood memories niya tuwing sumasapit noon ang Eid al-Adha.
Kaugnay ng selebrasyon ng Eid al-Adha, nagpaabot ng pagbati ang Kapuso actress na si Yasmien Kurdi sa lahat ng Filipino Muslims.
Sa latest post ni Yasmien sa kanyang social media accounts, makikita ang kanyang larawan habang nakasuot ng karaniwang kasuotan ng mga babaeng muslim.
Kuha ang naturang larawan sa katatapos lamang na pictorial ng The Missing Husband, ang upcoming suspense drama series na pagbibidahan ni Yasmien sa GMA.
Kakabit ng kanyang larawan ay ang caption ng lead star na, “I remember when I was young, I get so excited when Eid is near because I know I have new clothes and I can get money from my uncles and aunties hahaha!”
Tinapos naman niya ang kanyang post sa pagbati sa mga kaibigan niyang muslim at mga kaanak.
Sabi ni Yasmien, “To all my muslim friends, families and loved ones, Eid Mubarak! May Allah accept your sacrifice and bless you with His mercy. Happy Eid-Al-Adha.”
Ang naturang larawan ay pasilip na rin sa karakter ni Yasmien sa upcoming GMA program.
Sa isang panayam, ibinahagi niya na ang kanyang ama ay isang muslim habang ang kanya namang ina ay kasapi ng Iglesia ni Kristo.
Samantala, mapapanood si Yasmien sa serye bilang si Millie, isang OFW na magiging asawa ni Anton, ang karakter ni Rocco Nacino sa programa.
Bukod sa dalawang aktor, parte rin ng pangmalakasang drama sina Jak Roberto, Joross Gamboa, Sophie Albert, Nadine Samonte, Shamaine Buencamino, Cai Cortez, at marami pang iba.
Abangan ang The Missing Husband, ngayong 2023 na sa GMA Afternoon Prime.
SILIPIN ANG SET NG THE MISSING HUSBAND SA GALLERY SA IBABA:
