Mga anak-anakan ni Dolphy, nagsasama-samang muli

Nagbalik sa nakaraan ang mga batang '90s na nakakita ng reunion photos ng mga anak-anakan noon ng yumaong Comedy King na si Dolphy--sina Claudine Barretto, Smokey Manaloto, Vandolph Quizon, Maybelyn dela Cruz, at Boy 2 Quizon.

Sa Instagram posts ni Claudine, makikita ang larawan ng mga "kapatid" niya noon sa sitcom na Home Along da Riles.

Aniya, isa itong “biglaang reunion.” Dagdag pa niya sa kaniyang caption, “Tatay Dolphy must be so happy seeing all of us together.”

Nag-post din ng kanilang masayang group photo si Gio sa kaniyang Instagram account.

Isang group photo rin ang ibinahagi ni Maybelyn sa kaniyang Instagram followers, na ginamitan pa niya ng #MgaAnakNiKevinAtAzon. Sina Kevin at Azon ay mga karakter na ginampanan noon nina Dolphy at Nova Villa sa nabanggit na sitcom.

Habang ang pinakabata nilang “kapatid” na si Vandolph ay biglang na-miss ang kaniyang Tatay Kevin, na tatay niya rin sa tunay na buhay.

Hanggang ngayon ay aktibo pa rin sa showbiz ang mga anak-anakan ni Dolphy.

Si Smokey Manaloto ay napanood sa GMA Afternoon Prime bilang tatay ng mga magkakatid na sina Celine, Chynna, at Carrie sa Underage.

Habang si Gio naman ay naging tatay ni Sofia Pablo sa TV adaptation ng Wattpad series na Luv Is: Caught in His Arms.

Matagal nawala sa showbiz si Maybelyn ngunit nagbalik ito kamakailan sa pamamagitan ng Unica Hija.

Si Boy 2 naman ay kasalukuyang napapanood sa The Seed of Love sa GMA Afternoon Prime.

SAMANTALA, BUKOD KAY DOLPHY, NARITO ANG ILANG KILALANG KOMEDYANTENG PUMANAW NA: