Bad Romeo: Handa na si Rico na panindigan si Kim!

Pipigilan ni Rico (Mario Maurer) si Kim (Yaya Sperbund) sa kanyang planong pag-alis.

Handa na si Rico na panindigan ang kanyang responsibilidad bilang isang ama at asawa. Magtatayo siya ng bahay at gagawin ang lahat upang maibigay ang mga pangangailangan ng kanyang mag-ina.

Takot man si Kim sa maaaring gawin ng kanyang striktong tatay na si Michael, lubos naman ang pagtitiwala niya kay Rico na mabibigyan siya nito ng masayang pamumuhay.

Sa #BRPagiibigan mamaya ay mas makikilala na rin ni Kim si Rico!

Malalaman niya na hindi ito tunay na kapatid ni Carla at anak lamang ito sa pagkadalaga. Ikagugulat niya rin ang mga rebelasyon tungkol kay Rico gaya ng pagkakakulong nito dahil sa isang krimen.

Abangan ang kanilang mga nakakakilig na eksena mamaya sa Bad Romeo, 5:10 p.m., sa GMA Network.

SAMANTALA, KILALANIN ANG CAST NG 'BAD ROMEO' SA GALLERY NA ITO: