Around GMA

Article Inside Page

Inamin ni Sunshine Cruz ang naging tunay na dahilan kung bakit niya tinuldukan ang relasyon nila Macky Mathay.

Sina Sunshine at ang City Councilor ng San Juan City na si Macky ay nagkaroon ng halos anim na taon na relasyon bago maghiwalay.

Ibinahagi ito ni Sunshine sa kaniyang interview sa YouTube channel ni Karen Davila.

Ani Sunshine, "Almost 5 days bago mag-6th anniversary kami nakipaghiwalay ako sa kaniya. Lock in taping pa 'yun. Through message I said na I don't think may patutunguhan pa 'tong relationship."

Ayon pa sa Unbreak My Heart star, ang dahilan ay ang hindi raw pag-level up ng kanilang relasyon.

"Nakita ko lang Ms. Karen na parang hindi nagle-level up yung relationship. Hindi nagmu-move. Don't get me wrong, he's a good guy. I love his children. Pero siyempre, at this point in my life, I am 45 parang siyempre naghahanap na tayo ng relationship na kahit papaano lume-level up. Hindi 'yung diretso lang kasi magsi-six years na."

PHOTO SOURCE: @sunshinecruz718

Diin ni Sunshine, "I gave him a chance, no regrets naman, he was a good guy."

Nilinaw din ni Sunshine na hindi niya hinihintay na makasal kay Macky. Katunayan, hindi na raw niya gustong magpakasal.

"No. Sa totoo lang ayoko naman na. I am okay na life partner kami. Pero yung pagpapakasal, sa ngayon hindi ko na naiisip. Maybe when I turn 60 or 70, parang si Tita Boots Anson-Roa. Who knows 'di ba? Kung may ibibigay."

"Sa totoo lang pagdating kay Macky, hindi ko rin naman hinintay 'yan," saad ng aktres.

Sa kaniyang pinagdaanan sa buhay pag-ibig ay umaasa pa rin daw si Sunshine na makapagmahal muli.

Ani Sunshine, "Ang sarap magmahal, ang sarap kiligin, ang sarap ng may inspirasyon. So kung may dumating para sa akin, bakit hindi? Lahat naman tayo may karapatang mahalin at magmahal."

SAMANTALA, NARITO ANG RELATIONSHIP TIMELINE NINA SUNSHINE AT MACKY: