Around GMA

Article Inside Page

Espesyal ang naganap na GMA Gala 2023 para sa Kapuso actor na si Richard Yap dahil kasama niya rito ang anak na si Ashley Sandrine Yap.

Kapuso star Richard Yap and his daughter, Ashley Sandrine, walked the red carpet together at the GMA Gala 2023. PHOTO COURTESY: Gerlyn Mae Mariano

Magkasama sina Richard at Ashley na naglakad sa red carpet ng highly anticipated event, na idinaos sa Marriott Grand Ballroom sa Newport Pasay City.

Mas nakaramdam ng excitement ang Abot-Kamay Na Pangarap star sa naganap na grand event ngayong taon.

“I'm much more excited with the Gala because mas marami na akong barkada rito ngayon. The people that I work with, nandito silang lahat. So, I'm really looking forward and, of course, for the first time kasama ko rin 'yung daughter ko rito,” pagbabahagi niya sa GMANetwork.com.

Ang elegant formal attires nina Richard at Ashley ay parehong creations ni Neric Beltran.

Samantala, isang double-edged sword ang paglalarawan ng Unbreak My Heart actor sa GMA Gala 2023 dahil bukod sa glitz at glamour ay isa rin itong fundraising event, kung saan ang malilikom na pondo ay ibabahagi sa GMA Kapuso Foundation at iba pang charitable institutions.

Aniya, “This is, I think, a double-edged sword, it works both ways. You're having fun but also it's raising funds for a lot of charitable activities. This is something that we should all support.”

TINGNAN ANG STUNNING LOOKS NG CELEBRITIES SA NAGANAP SA GMA GALA 2023 SA GALLERY NA ITO.