Mikoy Morales, sidekick ni David Licauco sa 'Maging Sino Ka Man'
Around GMA
Around GMA
DSWD warns vs fake online surveys promising rewards from DSWD Farm to Table: (December 28, 2025) LIVE Miss Grand International All Stars announces reschedulingArticle Inside Page
Showbiz News
Gagampanan ni Mikoy Morales ang papel ni Dennis Padilla bilang Libag sa TV adaptation ng 'Maging Sino Ka Man.'
May bagong comedic role si Mikoy Morales na aabangan ng mga manonood sa telebisyon.
Siya ang gaganap na Gordon na may palayaw na "Libag" sa TV adaptation ng '90s film na Maging Sino Ka Man.
Si Libag ang best friend ni Carding, na gagampanan ni David Licauco. Sa original version ng Maging Sino Ka Man, si Dennis Padillla ang gumanap na Libag samantalang si Robin Padilla ang gumanap na Carding.
Ayon kay Mikoy, bukod sa kanilang duo ni David, excited siyang makita lalo ang kahusayan ng leading lady ni David na si Barbie Forteza, na gaganap naman sa papel ni Sharon Cuneta bilang Monique.
"Sana makita nila kung gaano s'ya kagaling, 'no? Hindi lang kung gaano s'ya kaganda, hindi lang kung gaano s'ya binibida ng GMA,” bahagi ni Mikoy sa panayam ni Nelson Canlas sa 24 Oras na ipinalabas noong August 3.
"Prime na natin si Barbie like, 'di ba? Sana makita rin nila kung gaano s'ya kagaling talaga," dagdag pa niya.
Kabilang din sa cast ng TV adaptation ng Maging Sino Ka Man sina Juancho Trivino, Faith Da Silva, at Rain Matienzo. Mapapanood din dito ang mga batikang artista na sina ER Ejercito, Jeric Raval, at Jean Garcia.
Samantala, bida si Mikoy sa Cinemalaya movie na Tether na isinulat at idinirehe ni Gian Arre.
Mapapanood ito hanggang August 13 sa piling sinehan.
SAMANTALA, KILALANIN ANG IBA PANG KAPUSO STARS NA BUMIDA SA MGA CINEMALAYA FILM SA GALLERY NA ITO.
