Martin Javier hindi makapaniwala na parte na siya ng '24 Oras'

Good vibes ang first day ng Sparkle sportscaster na si Martin Javier bilang host ng new segment ng flagship newscast ng GMA, ang 24 Oras.

Si Martin ang napiling mukha ng multi-awarded Kapuso news program sa segment na "Game Changer."

Sa post ng heartthrob host sa Instagram, hindi pa rin siya makapaniwala na kasama na siya sa team ng 24 Oras.

Lahad niya, “Day one. Somebody pinch me. Appreciate those who were able to catch the pilot episode of #GameChanger on 24 Oras! Still surreal. It's an incredible honor to be part of the country's flagship newscast.”

Nagpasalamat din si Martin sa talent management niya na Sparkle GMA Artist Center at kay Senior Vice President for Integrated News, Regional TV, and Synergy Oliver Victor B. Amoroso para sa kanilang pagtitiwala.

Matatandaan na pumirma ng kontrata sa Sparkle si Martin noong September 2021.

“Thank you sir @obamoroso, the entire @gmanews team, and @sparklegmaartistcenter for entrusting me with such a dynamic segment. Can't wait to share more game-changing topics on the show!

Nakatanggap din ng pagbati si Martin Javier mula sa mga kapwa niya Sparkle artists tulad nina Rabiya Mateo, Jeric Gonzales, Nikki Co, at Janeena Chan na masaya sa bago niyang stint bilang host ng "Game Changer."

Source: martin_javier (IG)