Nakipag-kuwentuhan ang cast ng upcoming independent film na 'Portrait of My Love' sa ilang piling media at bloggers ngayong Huwebes, March 21, sa Iago's restaurant sa Quezon City.
Pagbibidahan nina Kiray Celis at Polo Ravales ang 'Portrait of My Love' na ipapalabas na sa April 3.
Ang kuwento ng pelikula ay tungkol sa walang hanggang pagmamahal na umabot hanggang sa kabilang buhay.
Sinabi ni Kiray na mapapanood daw sa pelikula ang sinseridad ng kaniyang karakter na si Mona Lisa. Aniya, mas umiyak daw siya rito kaysa nagpatawa.
May panawagan naman ang aktor na si Epy Quizon sa gobyerno. Hiling nito na sana'y mabigyan ng karagdagang suporta ang mga pelikulang Pilipino.
Kabilang din sa cast ng 'Portrait of My Love' sina Jeffrey Santos, (not in photo) Cai Cortez, Leo Martinez, Mara Alberto, Rez Cortez, Amay Bisaya, Nemie Boy at Nonong De Andres. Ito ang huling pelikulang ginawa ni Nonong o mas kilala sa tawag ni "Banky" bago siya pumanaw.
Isang passion project kung ituring ng executive producer na si Jane Totanes ang indie film. Sa katunayan, ito ang unang beses niyang nag-prodyus ng pelikula.
Idinerehe ni Poap Manansala ang 'Portrait of My Love.'