Around GMA

Article Inside Page

Inamin ng renowned star-maker na si Johnny Manahan o mas kilala bilang Mr. M sa GMANetwork.com na nais niya ring gumawa ng isang teleserye sa GMA Network.

Kasalukuyang direktor ngayon ng reality singing competition na The Voice Generations si Mr. M. Ito ang kanyang naging comeback project bilang isang TV director matapos ang tatlong taon dahil sa pandemya.

BALIKAN ANG HIGHLIGHTS NG THE VOICE GENERATIONS PREMIERE DITO:

Dahil sa magandang production quality ng The Voice Generations at matatas nitong TV ratings, tinanong ng GMANetwork.com kung nais niya rin bang gumawa ng isang Kapuso teleserye.

Sagot naman ni Mr. M, “Paminsan-minsan nagpaparinig ako na I'd like to do a teleserye.”

Dagdag pa ng star-maker at TV director, mabilis lamang ang produksyon ng series sa GMA, bagay na ikinatutuwa niya.

Aniya, “Kasi dito sa GMA, three months, two months [lang ang taping] e, may edad na rin ako e. Hindi ko na kaya 'yung ginagawa ko noon na two years ang programa, two years akong kumakayod kung saan-saan sa Pilipinas doing a show.”

“I'd like to try something. Tingnan natin ang mangyayari,” ani Mr. M.

Samantala, nagpapasalamat din siya sa mainit na pagsuporta at pagsubaybay ng mga manonood sa The Voice Generations kung saan nagsisilbing coaches sina Billy Crawford, Julie Anne San Jose, Stell, at Chito Miranda, at host naman si Dingdong Dantes.

“So I'm glad that people like the show, and binigay ko 'yung kaalaman ko and 'yung puso ko doon sa show,” aniya.

Para sa ibang napapanahong balita at entertainment updates, bisitahin ang GMANetwork.com.