Kapuso stars, pinasaya ang mga lola sa isang charity event

Magkakasamang nagbigay saya sa mga lola ang Sparkle artists na sina Elijah Alejo, Keisha Serna, at Patricia Coma sa Little Sisters of the Abandoned Elderly sa San Juan City.

Nakasama rin nila noong September 30 ang Kapuso star na si Niño Muhlach at Barangay LS 97.1 DJ na si Papa Dudut.

Bukod sa programang kanilang inihanda, kasama ng Kapuso Brigade, naghandog rin sila ng ilang regalo, at salo-salo para sa mga lola.

Saad ni Niño ay naimbitahan siya para mabisita ang mga lola at masaya siya na nakapagbigay siya ng saya at regalo sa kanila.

"Lahat ng pagkakataon basta makakatulong tayo, or makakapagbigay tayo ng kasiyahan, talagang I make sure na pinupuntahan ko 'yung mga 'yun."

Masaya naman si Keisha na makita ang ngiti ng mga lola sa kaniyang performance.

Saad ni Keisha, "Super saya po na nakita ko smiles nila habang kumakanta po ako para sa kanila."

Samantala, si Patricia naman ay masaya siyang may nakisayaw na mga lola sa kaniyang performance.

Aniya, "It was really fun. May mga lola na mga sumasayaw, so ang saya, 'di ba?"

Si Papa Dudut ay nagdala ng kaniyang regalo mula sa kaniyang food business na Papa Dudut Lechon Manok. Ayon sa Kapuso DJ, "Masayang-masaya kami na maging bahagi ng ganitong event."

SAMANTALA, BALIKAN ANG GINAWANG CHARITY EVENT NG SPARKLE NOONG FIRST ANNIVERSARY NITO: