Around GMA

Article Inside Page

Matapos i-anunsyo ang mga bagong Sang'gre na sina Bianca Umali, Faith Da Silva, Angel Guardian at ang ka-una-unahang lalaking tagabantay na si Kelvin Miranda, sa bagong serye na Encantadia Chronicles: Sang'gre, nagpahaging naman ang original Amihan na si Iza Calzado na baka lumabas siya muli sa bagong serye.

Sa video na in-upload sa Facebook page ng serye, makikita ang former cast ng Encantadia mula sa 2005 at 2016 versions nito at isa na rito ay si Sang'gre Amihan Iza Calzado.

Sabi ng aktres sa kaniyang video greeting, “Avisala, ito si Amihan. Gusto ko lang mag-send ng aking best wishes and a lot of good energy para sa bagong cast ng Encantadia Sang'gre and I am hope[ing] to see and meet all of you soon, maybe on set.”

SAMANTALA, MAS KILALANIN PA ANG ISA SA MGA BAGONG SANG'GRE NA SI ANGEL GUARDIAN DITO:

Hindi malayo mangyari na mag-guest si Iza at pati na rin sina Karylle, Diana Zubiri, at Sunshine Dizon sa Sang'gre. Malakas ang koneksyon ni Iza sa dati niyang karakter at sa katunayan ang bagong pangalan ng karakter ni Sang'gre Angel Guardian ay nakabase sa pangalan ng anak ni Iza na si Deia Amihan.

Sa isang Instagram post, ibinahagi ni Direk Mark Reyes kung paano niya hiningi ang permiso ni Iza para gamitin ang pangalan ng kaniyang anak sa bagong serye.

“'Hello Izadora. For the new series Sanggre, Suzette, Ms. Redgyn and I are wondering if you will if we call Amihan's daughter 'Deia?'” message ni Direk Mark kay Iza sa screenshot na ipinost niya.

Ibinahagi naman ni Iza kung gaano ka-honored sila sa request ni Direk Mark. “Basta Deia has a good heart and good things happen to her then super good with us. Thank you so much for thinking of Deia and asking for permission even if we don't own that name.”

Samantala, sa isang Instagram post ay nagpahatid ng taos-puso niyang pasasalamat si Angel kay Iza para sa pagkakataon makausap ng personal at makuha nito ang basbas ng aktres.

Dito, ibinahagi rin ni Angel ang pagbati sa kaniya ni Iza para sa kaniyang bagong role.

“I wish you all the best as you embark on this journey of playing/being Deia. May it bring you the break you so deserve! Alagaan mo si Deia ha. Hehe! Love you!” mesahe nio Iza kay Angel.

Ipinangako naman ni Angel na aalagaan niya si “Deia” at dadalhin ang pangalang ito “with kindness, power and grace.”