Melai Cantiveros-Francisco shares memorable moments in newest film 'Ma'am Chief: Shakedown in Seoul'
Pagbibidahan ni Melai Cantiveros-Francisco ang debut film ng PULP Studios na Ma'am Chief: Shakedown in Seoul.
Kabilang din sa stellar cast ng nasabing pelikula sina Alora Sasam, Bernadette Allyson Estrada, Dustine Mayores, Enzo Almario, Jennica Garcia, Karylle, Manel Sevidal, Pepe Herrera, Sela Guia, at marami pang iba.
Mapapanood din dito ang ilang Korean stars gaya nina Do Ji Han, Gabriel Choi, Moon Kyung, Rolling Quartz, Yuju, at iba pa.
Sa naganap na Media Fest kamakailan para sa Ma'am Chief: Shakedown in Seoul, ibinahagi ni Melai ang kanyang memorable moments sa pag-shoot ng nasabing pelikula.
Ayon sa actress-comedienne, isa na rito ay ang experience na makatrabaho ang Korean artists.
“Mapa-on and off-[cam], talagang the best talaga sila. Pero ang masasabi ko na memorable moment namin, 'yung maka-eksena namin ang mga Korean stars,” aniya.
Dagdag pa niya, “It's really an amazing experience kasi iba 'yung salita nila, parang ako nanonood ng K-drama. Amazing, memorable talaga lahat ng bonding namin.”
Hindi rin malilimutan ng actress at television host ang pagkakataon na makapag-taping sa South Korea.
“Masasabi ko na, grabe naman si Lord, dito talaga kami nag-shoot.
“Memorable moment siya na hindi ko talaga makakalimutan sa buong pag-artista ko,” ani Melai.
Sa katunayan, makikita sa Instagram posts ni Melai ang masayang bonding nila ng kanyang Filipino at Korean co-stars habang nasa South Korea.
Napapanood na ngayon ang Ma'am Chief: Shakedown in Seoul sa cinemas nationwide.