Paano nga ba nagsimula at nagtapos ang manager-talent relationship ni Aiai delas Alas at ng rap group na Ex Battalion? Alamin sa gallery na ito.
Matagal nang nasa eksena ang rap group na Ex Battalion, pero namayagpag ang kanilang kasikatan noong 2017 dahil sa kanilang viral song na “Hayaan Mo Sila.”
November 2017 nang mabalita ang collaboration sa pagitan ni Aiai delas Alas at ng Ex Battalion. Sa kantang “Walang Pinipili,” nakipagsabayan ang Philippine Queen of Comedy sa viral rap group.
Nakasama rin ni Aiai ang grupo sa kanilang performance sa 'Spotlight Music Sessions.'
Naging madalas ang pagtatrabaho ni Aiai kasama ang Ex Battalion para sa promotion ng kanilang single.
Isinama rin ni Aiai ang Ex Battalion sa iba't iba niyang shows sa labas ng telebisyon.
Pormal na naging manager si Aiai ng Ex-Battalion noong March 2018.
Unang na-accomplish ni Aiai bilang manager ng grupo ang gawing ambassadors ang mga miyembro ng Ex Battalion ng isang clothing line.
Nadagdagan pa ng ibang produktong ini-endorso ang Ex Battalion sa ilalim ng management ni Aiai.
Naisama rin ni Aiai sa kanyang charity work ang kanyang mga dating alaga.
Na-feature din ang kuwento ng buhay ng Ex Battalion members sa 'Magpakailanman' noong April 2018. Matapos nito ay nasundan pa ang kanilang TV guest appearances.
Nagkaroon din sila ng sariling digital show, ang 'ExB Rules!' Sa isang episode nito, may binitiwang mga rebelasyon ang bawat miyembro tungkol sa kanilang kagrupo.
Hanggang Department of Foreign Affairs, sinamahan ni Aiai ang grupo para makakuha ng kanilang passport.
Sumalang din ang Ex Battalion sa pictorial noong May 2018 para ma-update ang kanilang portfolio at ibang promotional materials.
June 2018 nang makuhang partner ni Aiai ang Viva Films para sa pelikula niya at ng kanyang mga dating alaga.
Matapos pirmahan ang partnership with Viva, inihayag ni Aiai na kailangan muna niyang magpahinga sa pagma-manage sa Ex Battalion. Napakiusapan ang actress-manager at binura niya ang kanyang post.
Naging successful ang unang solo concert ng Ex Battalion na ginanap noong July 2018.
Umani rin ng awards ang Ex-Battalion sa ilalaim ng pangangalaga ni Aiai.
August 2018 nang magsimula ang story conference ng pelikulang pagbibidahan ni Aiai kasama ang Ex Battalion, ang 'Sons of Nanay Sabel.'
Noong September 2018, matamis pa ang mensahe ni Aiai sa viral rap group. Ipinagmalaki kasi niya ang Ex Battalion nang kilalanin ang grupo na Rap Artist of the Year.
Naganap ang unang taping ni Aiai kasama ang Ex Battalion para sa kanilang pelikulang 'Sons of Nanay Sabel' noong September 2018.
Bongga ang naging pagtatapos ng 2018 para sa Ex Battalion dahil nakapag-perform sila sa iba't ibang parte ng Amerika.
Itinuring ni Aiai na mga anak-anakan ang mga miyembro ng Ex Battalion. Mommy Ai naman ang tawag ng viral rap group sa Philippine Queen of Comedy.
Unti-unting naubos ang pasenysa ni Aiai nang hindi tumupad sa mga napagkasunduan ang mga miyembro ng Ex Battalion. May mga nahuling dumating sa usapan, may mga hindi sumipot sa kanilang shows, habang meron namang ibang tumanggap ng booking na lingid sa kaalam ni Aiai. Kaya naman noong April 2019, lumutang na ang usap-usapang nais nitong bitawan ang grupo.
Ang unprofessionalism ng Ex Battalion sa red carpet premiere night ng 'Sons of Nanay Sabel' noong April 2019 ang masasabing naging huling mitsa para tuluyan nang bitawan ni Aiai ang grupo. Opisyal na nag-resign si Philippine Queen of Comedy bilang manager ng Ex Battalion noong May 15, 2019.